{
  "name": "core/freeform",
  "attributes": [],
  "saveContent": "<h4>Rætt við Magnús Leópoldsson um jarðasölur, gæsluvarðhald að ósekju og tilveruna</h4>\r\nFáir, ef nokkrir, hafa jafn mikla þekkingu á jörðum á Íslandi og Magnús Leópoldsson löggiltur fasteignasali. Meðfram almennri sölu fasteigna í fyrirtæki sínu, Fasteignamiðstöðinni, hefur hann sérhæft sig í jarðasölu og skoðað meirihluta bújarða á landinu. Við það nýtur hann þekkingar sinnar og reynslu en hann var áður bóndi í Kjós og er nú með búrekstur í Borgarfirði. Þá kynntist hann sveitalífinu hjá föður sínum í Hreðavatnsskála, en Leópold Jóhannesson var þar veitingamaður um árabil.\r\n<h4><strong>Líf og fjör</strong></h4>\r\n„Ég er af fyrra hjónabandi pabba og fæddur í Keflavík og síðan alinn upp í Kópavogi. Pabbi flutti af heimilinu þegar ég var orðinn stálpaður. Hann vann þá hjá Vegagerðinni og hafði verið þar í áratugi. Síðan kaupir pabbi Hreðavatnsskála og gerðist veitingamaður þar og rak staðinn ásamt síðari konu sinni í tæp tuttugu ár. Við bræðurnir voru þar bensíntittir á sumrin frá 11 – 14 ára aldurs.\r\n\r\nÞar var sérstakur afgreiðsluskúr þar sem við höfðum afdrep. Þegar viðskiptavinur kom að kaupa bensín hlupum við út og dældum á bílana. Oft fóru viðskiptavinirnir inn í Hreðavatnsskála eða versluðu hjá okkur í bensínskúrnum. Við sáum svo um að passa að bílarnir væru tilbúnir þegar þeir komu aftur.\r\n\r\nÞað var mjög mikið líf þarna. Hreðavatnsskáli hentaði vel sem áfangastaður. Oft áðu þar vegfarendur á leið vestur eða norður í Botnsskála eða Olíustöðinni í Hvalfirði. Eftir áningu í Hvalfirði hentaði vel að taka næsta stopp í Hreðavatnsskála. Fyrir okkur tvo unga stráka var þetta rosalega spennandi. Við fengum að vaka fram á nætur þegar böllin voru. Það var mikið fjör úti í hrauninu allt um kring,“ bætir Magnús við og kímir. ,,Kynslóðin á undan mér var þarna á ferð, fólk fætt 1925 – 1945.“\r\n\r\nÝtarlega er rætt við Magnús Leopoldsson í jólablaði Skessuhorns.",
  "innerBlocks": []
}