{
  "name": "core/freeform",
  "attributes": [],
  "saveContent": "Skagamenn heimsóttu lið Selfyssinga í Vallaskóla á Selfossi á laugardaginn í 1. deild karla í körfuknattleik og lauk leiknum með öruggum sigri heimamanna, 109:73. Selfoss er nú í fimmta sæti deildarinnar með 14 stig á meðan Skagamenn sitja fast á botninum án stiga. Það sást fljótlega hvert stefndi því eftir rúmlega fimm mínútna leik var staðan orðin 20:7 fyrir Selfoss og við lok fyrsta leikhluta, 27:14. Munurinn jókst enn meir í öðrum leikhluta, heimamenn skoruðu að vild og alls 33 stig gegn aðeins 13 stigum Skagamanna, staðan í hálfleik 62:27.\r\n\r\nAnsi mikið jafnræði var með liðunum í seinni hálfleik, jafnt í stigaskori eftir þriðja leikhluta og Selfoss skoraði einu stigi meira en gestirnir í lokafjórðungnum, lokastaðan stórsigur Selfyssinga eins og áður sagði, 109:73.\r\n\r\nStigahæstir Skagamanna í leiknum voru þeir Cristopher Clover með 22 stig, Nestor Saa var með 19 stig og 12 fráköst og Þórður Freyr Jónsson með 11 stig. Hjá Selfossi var Trevon Evans með 32 stig og 10 fráköst, Gerald Robinson með 31 stig og 19 fráköst og Gasper Rojko með 26 stig og 12 fráköst.\r\n\r\nNæstu tveir leikir Skagamanna eru á heimavelli, fyrst leika þeir á þriðjudaginn næsta gegn Hrunamönnum og síðan á föstudaginn gegn Álftnesingum. Leikirnir fara fram í íþróttahúsinu á Vesturgötu og hefjast báðir klukkan 19.15.",
  "innerBlocks": []
}