medium

large

thumbnail

1536x1536

2048x2048

small

custom-size

Gríðarlega góður andi og stemning í hópnum

Söngleikurinn Grease frumsýndur á föstudag

Góð afkoma hjá Borgarbyggð

Ruslið og angistin

Þór hafði sigur á Skallagrími í spennuleik

Skipulagsfræðingur telur Hvassahraun úr sögunni og vill varaflugvöll í Borgarfjörð

core/freeform

Undanfarnar vikur hefur staðið yfir sérstakt hreinsunarátak í söfnun brotajárns og fleiri úrgangsflokka í dreifbýli Borgarbyggðar í samstarfi við fyrirtækið Hringrás. Frá því er greint á vef Borgarbyggðar að íbúum í dreifbýli hafi staðið til boða að panta þjónustuna heim á hlað en um er að ræða annars vegar gáma fyrir úrganginn og hins vegar þjónustu kranabíls. Þátttakan var mjög góð og pöntuðu alls 45 einstaklingar þessa þjónustu. Hirðing hefur nú staðið yfir í nokkrar vikur og alls hafa yfir 270 tonn af málmum skilað sér til endurvinnslu.

Þjónustan var ábúendum að kostnaðarlausu en þess má geta að hreinsunarátakið er styrkt af umhverfis- og auðlindaráðuneyti úr sjóði til eflingar hringrásarhagkerfinu. Gert er ráð fyrir að búið verði að hreinsa upp hjá öllum þeim sem pöntuðu þjónustuna á næstu vikum.

Hafa safnað 270 tonnum af brotajárni á síðustu vikum