{
  "name": "core/freeform",
  "attributes": [],
  "saveContent": "Í Grundarfirði er nú viðkvæm staða vegna fjölgunar Covid-19 smita undanfarna daga. Búist er við að staðfestum smitum muni fjölga. Allt skólahald er í dag með breyttu sniði og fjölmargir í sóttkví. Nú eru ellefu manns í einangrun og þar af tvö börn á grunnskólaaldri. 63 eru í sóttkví. Þetta kemur fram í tilkynningu frá Björgu Ágústsdóttur sveitarstjóra í morgun. Samkvæmt tilkynningu hennar hefur verið brugðist við með eftirfarandi ráðstöfunum:\r\n\r\n<strong>Leikskóli: </strong>\r\n<ul>\r\n \t<li>Leikskólinn verður lokaður mánudag til miðvikudags.</li>\r\n \t<li>Flest börnin eru komin í sóttkví, en nokkur börn á drekadeild eru a.m.k. enn um sinn í smitgát.</li>\r\n \t<li>Meirihluti starfsfólks er í sóttkví, einn í einangrun.</li>\r\n</ul>\r\n<strong>Grunnskóli, heilsdagsskóli og Eldhamrar: </strong>\r\n<ul>\r\n \t<li>Skólinn verður lokaður mánudag 22. nóvember. Nemendur fá skilaboð og mögulega verkefni frá kennurum.</li>\r\n \t<li>Heilsdagsskóli og leikskóladeildin Eldhamrar verða sömuleiðis lokuð.</li>\r\n \t<li>Eitt smit er staðfest hjá nemanda í 2. bekk. Allir nemendur bekkjarins fóru í sóttkví. Smit er einnig staðfest hjá nemanda í 5. bekk. Smitrakning er í undirbúningi.</li>\r\n \t<li>Grunur er um frekari smit, skv. upplýsingum HVE.</li>\r\n \t<li>Börn (sem voru á fimmtudag og föstudag) í heilsdagsskóla fóru í smitgát.</li>\r\n \t<li>Nokkrir kennarar og starfsmenn eru komnir í smitgát, en enginn kennari í sóttkví enn.</li>\r\n \t<li>Foreldrar fengu skilaboð og símtöl í dag. Frekari upplýsingar koma síðar.</li>\r\n \t<li>Staðan verður tekin á mánudag með framhaldið.</li>\r\n</ul>\r\n<strong>Tónlistarskóli:</strong>\r\n<ul>\r\n \t<li>Kennsla fellur niður mánudag 22. nóv. hjá öllum.</li>\r\n \t<li>Vitað er að kennsla mun raskast nokkuð í vikunni, en staðan skýrist á mánudag og frekari skilaboð verða send nemendum og forráðamönnum.</li>\r\n</ul>\r\n<strong>Æfingar UMFG:</strong>\r\n<ul>\r\n \t<li>Allar æfingar hjá UMFG falla niður út þessa viku, skv. tilkynningu félagsins.</li>\r\n</ul>\r\n<strong>Íþróttahús og heitir pottar:</strong>\r\n<ul>\r\n \t<li>Íþróttahúsið og heitir pottar verða lokuð mánudag.</li>\r\n \t<li>Frekari ákvarðanir teknar mánudag 22. nóv.</li>\r\n</ul>\r\n<strong>Félagsmiðstöðin Eden</strong>\r\n<ul>\r\n \t<li>Það er ekki starfsemi á mánudögum.</li>\r\n \t<li>Ákvörðun og skilaboð koma síðar.</li>\r\n</ul>\r\n<strong>Sögumiðstöðin, bókasafn og félagsstarf á vegum félagasamtaka í húsinu:</strong>\r\n<ul>\r\n \t<li>Molakaffi á miðvikudögum fellur niður þessa vikuna.</li>\r\n \t<li>Grundarfjarðarbær mælist til þess að félagasamtök taki stöðuna á mánudag og ákveði í framhaldinu hvernig þau hagi starfinu í vikunni.</li>\r\n</ul>\r\n<strong>Bókasafn; skilaboð á mánudag.</strong>\r\n<ul>\r\n \t<li>Sjöa vikunnar, úr myndasafni Bærings, verður á sínum stað á bæjarvefnum.</li>\r\n</ul>\r\n<strong>Fjölbrautaskóli Snæfellinga:</strong>\r\n<ul>\r\n \t<li>FSN mun fjarkenna, skv. frétt, á mánudag og þriðjudag og taka þá stöðuna.</li>\r\n</ul>\r\n<strong>Þrif og sótthreinsun</strong>\r\n<ul>\r\n \t<li>Á mánudag kemur fyrirtæki sem sérhæfir sig í þrifum og sótthreinsar grunnskóla, íþróttahús og tónlistarskóla. Síðan verður farið í leikskólann.</li>\r\n</ul>\r\n<strong>Ef einkenni - förum í skimun</strong>\r\n<ul>\r\n \t<li>Samkvæmt upplýsingum HVE er búist við mörgum í skimun mánudag.</li>\r\n \t<li>Skilaboð sóttvarna hjá HVE eru þessi: Ef við finnum fyrir einkennum, þá eigum við umsvifalaust að panta okkur tíma í skimun. Þetta gildir jafnvel þó við séum bólusett.</li>\r\n \t<li>Bóka má tíma með því að hringja á heilsugæslustöðina í síma 432-1350 eða fara inná „mínar síður“ á heilsuvera.is</li>\r\n</ul>\r\n<em> </em>",
  "innerBlocks": []
}