{
  "name": "core/freeform",
  "attributes": [],
  "saveContent": "Lögreglan á Vesturlandi var nú rétt í þessu að birta tölur um fjölda smitaðra og í sóttkví í landshlutanum. Miðað við tölur sem birtust í lok síðustu viku er veruleg fækkun í einangrun, en mikil fjölgun í sóttkví. Það skýrist einkum af því að í Grundarfirði eru tugir í sóttkví vegna smita sem komu þar upp fyrir og um helgina og tengjast skólum í bæjarfélaginu. Nú eru 45 í einangrun í landshlutanum en 131 í sóttkví.\r\n\r\nÁ Akranesi er fjöldi þeirra sem er í einangrun kominn niður í 26 en 31 að auki eru í sóttkví. Í Grundarfirði eru nú ellefu í einangrun en 78 í sóttkví. Það jafngildir því að tíundi hver bæjarbúi er annað hvort með smit eða í sóttkví. Í Borgarbyggð eru nú fjórir í einangrun og tíu í sóttkví; í Dölum eru tveir í einangrun og fjórir í sóttkví; í Ólafsvík er einn í einangrun og átta í sóttkví og loks er einn í einangrun í Stykkishólmi en enginn í sóttkví.",
  "innerBlocks": []
}