{
  "name": "core/freeform",
  "attributes": [],
  "saveContent": "Samkvæmt nýjum tölum Lögreglunnar á Vesturlandi fjölgar um sjö í einangrun með Covid-19 í landshlutanum frá því í gær. Eru nú 176 en að auki eru 158 í sóttkví. Á Akranesi er fjöldi smitaðra kominn í 140 og eru 114 í sóttkví. Í Borgarnesi fækkar um einn frá í gær; eru nú 24 í einangrun og jafn margir í sóttkví. Í Grundarfirði eru nú níu í einangrun, einum fleiri en í gær, en að auki eru 14 í sóttkví. Í Ólafsvík eru þrír í einangrun og fjórir í sóttkví. Loks er einn í sóttkví í Dölum og einn í Stykkishólmi.\r\n\r\nBúist er við að Þórólfur Guðnason sóttvarnalæknir muni í dag leggja fram tillögur um hertar sóttvarnaaðgerðir í ljósi stöðunnar í landinu. Metfjöldi smita var greindur í gær, þegar 200 smit greindust innanlands, þar af voru 128 utan sóttkvíar. Slíkur fjöldi er ávísun á að talan muni að óbreyttu hækka næstu daga. Ríkisstjórnin fundar í fyrramálið og er búist við að þar verði aðgerðir kynntar.",
  "innerBlocks": []
}