{
  "name": "core/freeform",
  "attributes": [],
  "saveContent": "Lögreglan á Vesturlandi birti í morgun uppfærðar tölur um stöðu Covid-19 í umdæminu. Tölur hafa ekki verið birtar síðan 8. október eða í rúmar þrjár vikur. Óhætt er að segja að staðan hafi breyst verulega til verri vegar en alls eru 96 einstaklingar í sóttkví og 49 í einangrun. Er um að ræða tíföldun en 8. október voru 10 í sóttkví og 5 í einangrun.\r\n\r\nAlvarlegust er staðan í Búðardal þar sem 32 eru í sóttkví og 25 í einangrun. Þá eru 30 í sóttkví í Borgarnesi og 6 í einangrun. 18 eru í sóttkví á Akranesi og 15 í einangrun. Á landsvísu fjölgar einnig mikið í sóttkví og einangrun. Í gær voru 1.696 í sóttkví og 873 í einangrun og mælist 14 daga nýgengi nú 260,7. Það bendir því ýmislegt til þess að fimmta bylgja faraldurs COVID-19 af völdum kórónuveirunnar SARS-CoV-2 sé að hefja innreið sína á Íslandi.",
  "innerBlocks": []
}