medium

large

thumbnail

1536x1536

2048x2048

small

custom-size

Níutíu ára Einarsbúð er elsta matvöruverslun landsins

Verkfall boðað í Grundaskóla á Akranesi 6. janúar

Upplestur grunnskólanemenda í Brún

Hótel Varmaland hlýtur vottun frá Vakanum

Ýmis mál rædd á fundi bæjarráðs Akraneskaupstaðar

Nemendur í listdansi fengu að stíga á stóra sviðið

core/freeform

Nú er unnið við efnistöku fyrir væntanlega vegagerð innarlega í Skorradal í Borgarfirði. Verktaki er Þróttur en undirverktaki við efnisvinnsluna er Borgarvirki. Efnið er m.a. sótt í klappir í Fossabrekku, sem er milli bæjanna Syðstu-Fossa í Andakíl og Hálsa í Skorradal. Eftir að myrkur skall á í gærkvöldi var unnið við sprengingar við veginn og virðist sem reglur um verklag við slíkar framkvæmdir hafi verið brotnar. Lögreglu var til að mynda ekki gert viðvart, veginum var ekki lokað né settar upp viðvaranir og nágrannar heldur ekki varaðar við. Svo öflug var sprengingin að sumir nágrannanna héldu hreinlega að stífla Andakílsár hefði brostið. Í sprengingunni fór mikið af stórgrýti yfir veginn og lokaði honum. Vegfarendur sem leið áttu um gátu því ekki áttað sig á hættunni og óku utan í grjót á veginum. Þeir sluppu blessunarlega við meiðsli en var mjög brugðið. Seint í gærkvöldi, eftir að lögreglu og Vegagerð hafði verið gert viðvart, var rudd rás í veginn og settar upp merkingar. Í nótt var svo unnið við að fjarlægja marga rúmmetra af grjóti af veginum. Lögreglan á Vesturlandi fer með rannsókn málsins.

[caption id="attachment_48223" align="alignnone" width="600"]<img class="wp-image-48223 size-medium" src="https://skessuhorn.is/wp-content/uploads/2021/10/Ovarlega-var-stadid-ad_2-600x338.jpg" alt="" width="600" height="338" /> Þvínæst voru settar upp merkingar, en vegurinn hreinsaður í nótt. Ljósm. pd.[/caption]

Óvarlega var staðið að sprengingum í Fossabrekku