medium

large

thumbnail

1536x1536

small

custom-size

Gyða Björk kosin formaður ÍA á áttugasta ársþingi félagsins

Bæjarstjórn kynnir hugmyndir að nýju ráðhúsi við Mánabraut

2048x2048

Askja hefur opnað bílaumboð sitt á Vesturlandi

Forysta Framsóknar endurnýjaði umboð sitt

Fór í Stýrimannaskólann og varð faðir sautján ára gamall

Var mikill sveitamaður í sér þótt sjómennskan hafi orðið ofan á

core/freeform

Búið er að semja við Ask arkitekta um hönnun á nýju íþróttahúsi í Hvalfjarðarsveit. Málið er enn á frumstigi og að sögn Lindu Bjarkar Pálsdóttur, sveitarstjóra í Hvalfjarðarsveit, á enn eftir að taka margar ákvarðanir áður en formlegar framkvæmdir geta hafist. „Þetta er enn á frumstigi og við eigum til dæmis eftir að taka ákvörðun um stærð á húsinu og hvað verður í því,“ segir Linda. Íþróttahúsið verður staðsett vestan við íþróttasalinn í Heiðarborg en að sögn Lindu mun það íþróttahús einnig standa áfram. „Það er ekki ætlunin að rífa Heiðarborg. Það var gerð úttekt á því húsi sem leiddi í ljós að það er bara gott ástand á íþróttasalnum í Heiðarborg,“ segir Linda.

Að sögn Hlyns Sigurdórssonar, verkefnastjóra framkvæmda og eigna í Hvalfjarðarsveit, á allri hönnunarvinnu að vera lokið í júní á næsta ári og útboðsgögn að vera tilbúin. „Samkvæmt fyrstu tillögu verður húsið samtengt við Heiðarborg og ætlunin er að hafa stóran íþróttasal með áhorfendapöllum og einnig gott rými fyrir iðkendur og starfsfólk. En þetta er allt enn á frumstigi og við eigum eftir að fjalla um þetta betur og fá tillögur frá fólki hér í sveitinni. Þetta er bara rétt að komast á skrið,“ segir Hlynur.

Ask arkitektar sjá um hönnun á íþróttahúsi í Hvalfjarðarsveit