medium

large

thumbnail

1536x1536

2048x2048

small

custom-size

Kvennatölt hestamannafélagsins Borgfirðings

Víkingurinn 2024 verður á Vesturlandi

Opnað fyrir umsóknir í fjárfestingastuðning í kornrækt

Snæfellsnes sigraði ÍBV í Akraneshöllinni

Grótta og ÍA skildu jöfn í Lengjubikarnum

Nota fæðingarorlofið til að yfirfara veiðarfærin

core/freeform

Í hádeginu í dag kom undirbúningsnefnd Alþingis fyrir rannsókn kjörbréfa saman til fundar í Borgarnesi undir stjórn Birgis Ármanssonar formanns. Að lokinni skoðun á húsakosti á hótelinu var fundinum lokað fyrir fjölmiðlafólki sem var á svæðinu. Gert er ráð fyrir að fundurinn standi fram eftir degi og jafnvel til kvölds. Meðal annars ræðir þingnefndin við fulltrúa úr yfirkjörstjórn Norðvesturkjördæmis og starfsfólk Hótels Borgarness. Að sögn Birgis Ármannssonar formanns undirbúningsnefndar er heimsóknin í Borgarnes liður í því að safna upplýsingum, áður en nefndin skilar skýrslu sinni um gildi kjörbréfa. Vildi Birgir, í viðtali við fjölmiðla í hádeginu, ekki kveða úr um hvenær nefndin skilar af sér. Það verði þó í fyrsta lagi í næstu viku.

Hluti nefndarinnar kom saman í morgun til að fylgjast með fulltrúum úr yfirkjörstjórn Norðvesturkjördæmis og frá sýslumanninum á Vesturlandi telja ónotaða atkvæðaseðla frá þingkosningunum 25. september. Kjörseðlarnir höfðu verið geymdir í innsiglaðri fangageymslu á lögreglustöðinni í Borgarnesi frá því daginn eftir kjördag. Ákveðið hafði verið að telja seðlana til að stemma fjölda þeirra af við fjölda þeirra sem voru notaðir í kosningunum. Birgir Ármannsson sagði í samtali við Skessuhorn rétt fyrir fundinn að væntanlega verði upplýst þar hvort fjöldi ónotaðra kjörseðla stemmdi við þann fjölda sem átti að vera.

Undirbúningsnefnd lokaði að sér á hótelinu klukkan 13