medium

large

thumbnail

1536x1536

2048x2048

small

custom-size

Afhentu bæjarstjóra undirskriftalista

Menningarferð FaB um Lundarreykjadal

Valentin vann gull á Mjölni Open fimmta árið í röð

Fjölgað í húsvarðateymi sveitarfélagsins

Ólafsvíkurvöllur og Skallagrímsvöllur á lista topp tíu valla landsins

Tólf skiluðu inn framboðum til forseta

core/freeform

Fjögur sveitarfélög af fimm á Snæfellsnesi; Eyja- og Miklaholtshreppur, Grundarfjarðarbær, Helgafellssveit og Stykkishólmsbær, hafa nú tekið höndum saman um uppbyggingarverkefni innan stjórnsýslunnar með stofnun nýs sameiginlegs sviðs umhverfis- og skipulagsmála. Tveir starfsmenn hafa verið ráðnir. Kristín Þorleifsdóttir er nýr sviðsstjóri umhverfis- og skipulagsmála og verður jafnframt skipulagsfulltrúi sveitarfélaganna fjögurra. Þá hefur Fannar Þór Þorfinnsson verið ráðinn byggingafulltrúi. Kristín og Fannar verða með fasta viðveru í ráðhúsunum í Grundarfirði og Stykkishólmi auk viðveru í Eyja- og Miklaholtshreppi og Helgafellssveit eftir þörfum.

Kristín Þorleifsdóttir á ættir að rekja á Snæfellsnes, bæði í Stykkishólm og Grundarfjörð. Hún þekkir þar vel til og skrifaði m.a. meistararitgerð um sérstöðu gamla bæjarins í Stykkishólmi. Kristín lauk doktorsprófi í umhverfishönnun frá North Carolina State University í Bandaríkjunum 2008, meistaragráðu í landslagsarkitektúr frá sama háskóla 1999 og B.A. í myndlist frá Auburn University í Bandaríkjunum 1996. Að loknu námi starfaði Kristín sem sérfræðingur, landslagsarkitekt og háskólakennari í um tólf ár. Árið 2014 flutti hún aftur til Bandaríkjanna þar sem hún gegndi stöðu háskólakennara við University of Wisconsin í Madison, sem talinn er vera meðal 30 bestu háskóla í heimi. Þar starfaði hún við kennslu og sem sérfræðingur í skipulagi smábæja með áherslu á heilsuhvetjandi umhverfi.

Fannar Þór Þorfinnsson er sérfræðingur á sviði byggingarmála og yfirmaður verklegra framkvæmda hjá sveitarfélögunum. Hann kemur einnig til með að starfa sem byggingarfulltrúi þeirra. Fannar er fæddur og uppalinn á Húsavík en flutti ásamt fjölskyldu sinni til Grundarfjarðar nú í haust. Fannar lauk BS prófi í byggingafræði frá Háskólanum í Reykjavík 2017, háskólaprófi í byggingaiðnfræði frá sama skóla 2013 og sveinsprófi í húsasmíði frá Fjölbrautaskólanum í Breiðholti 2009. Að loknu námi starfaði Fannar m.a. við húsasmíði, sem byggingarfræðingur hjá Tækniþjónustu Vestfjarða og verkefnastjóri hjá tæknideild Ísafjarðarbæjar. Frá 2019 hefur Fannar starfað sem verkefnastjóri hjá THG Arkitektum í Reykjavík þar sem hann hefur haft umsjón með umfangsmiklum byggingarframkvæmdaverkefnum. Fannar hefur einnig unnið við kennslu í húsasmíði.

Í tilkynningu frá sveitarfélögunum segir: „Með breytingunum er ætlunin að styrkja enn frekar stjórnsýslu skipulags- og byggingarmála, umhverfisstarf sveitarfélaganna fjögurra, utanumhald eigna og eigin framkvæmda og ekki síst þjónustu við íbúa á viðkomandi sviðum.“

Fjögur sveitarfélög á Snæfellsnesi í samstarf um umhverfis- og skipulagsmál