Bergþór Ólason alþingismaður Miðflokksins.

Bergþór kemur inn í stað Guðmundar

Leiðrétting á lítilli skekkju í einu kjördæmi snertir alls tíu manns sem ýmist detta út eða fá þingsæti

Endurtalningu atkvæða í Norðvesturkjördæmi lauk nú undir kvöld. Hún hefur leitt í ljós skekkju sem kemur af stað hringekju jöfnunarþingmanna þingflokka í nokkrum kjördæmum. Eftir að búið er að endurtelja gerist það að Guðmundur Gunnarsson, oddviti Viðreisnar í Norðvesturkjördæmi, missir jöfnunarþingsæti sitt en Guðbrandur Einarsson samflokksmaður hans kemur þess í stað inn í Suðurkjördæmi. Bergþór Ólason hjá Miðflokknum kemur inn í Norðvesturkjördæmi sem jöfnunarmaður en í Suðurkjördæmi fellur flokksfélagi hann Karl Gauti Hjaltason út. Í heild verða breytingarnar þessar:

Reykja­vík­ur­kjör­dæmi norður:

Jó­hann Páll Jó­hanns­son (S) kem­ur inn en Lenya Rún Taha Karim (P) er úti.

Andrés Ingi Jóns­son (P) verður áfram inni.

Reykja­vík­ur­kjör­dæmi suður:

Orri Páll Jó­hanns­son (V) kem­ur inn fyr­ir Rósu Björk Brynj­ólfs­dótt­ur (S).

Arn­dís Anna K. Gunn­ars­dótt­ir (P) er áfram inni.

Suðvest­ur­kjör­dæmi:

Gísli Rafn Ólafs­son (P) kem­ur inn fyr­ir Karl Gauta Hjalta­son (M).

Sig­mar Guðmunds­son (C) helst inni.

Norðvest­ur­kjör­dæmi:

Bergþór Ólason (M) kem­ur inn fyr­ir Guðmund Gunn­ars­son (C).

Norðaust­ur­kjör­dæmi:

Óbreytt og Jó­dís Skúla­dótt­ir (V) helst inni.

Suður­kjör­dæmi:

Guðbrand­ur Ein­ars­son (C) kem­ur inn fyr­ir Hólm­fríðiÁrna­dótt­ur (V).

 

Eftir þessa uppstokkun jöfnunarþingsæta eru konur ekki lengur í meirihluta á Alþingi, og hefur því ekkert Evrópumet verið slegið, eins og fjallað hefur verið um í heimspressunni frá því í morgun. Engin breyting verður á heildarfjölda þingsæta hvers flokks.

Líkar þetta

Fleiri fréttir