{
  "name": "core/freeform",
  "attributes": [],
  "saveContent": "Samfélagsmiðlar hafa áhrif á upplifun meirihluta fólks á ímynd svæða samkvæmt niðurstöðum verkefnis sem Anna Kristín Guðmundsdóttir, meistaranemi í landslagsarkitektúr við Landbúnaðarháskólann Svíþjóðar í Uppsala, vann. Verkefnið heitir „Samfélagsmiðlar – tækifæri fyrir aðdráttarafl svæða“ og hlaut Anna Kristín styrk frá Nýsköpunarsjóði námsmanna. Vann hún verkefnið í samstarfi við Landbúnaðarháskóla Íslands og umsjónarmaður með því var Helena Guttormsdóttir lektor. „Markmið verkefnisins er að greina þátt samfélagsmiðilsins Instagram í að auka aðdráttarafl að ákveðnum svæðum í hinu byggða umhverfi,“ segir í nýútkominni skýrslu um verkefnið. Gerð var greining á manngerðum áfangastöðum í byggð þar sem umhverfishönnun er áberandi hluti af myndefni á Instagram. „Notendur samfélagsmiðla deila myndefni fyrir vini og aðra til að sjá og geta myndirnar jafnvel haft áhrif á vinsældir ákveðinna svæða. Þannig er myndefnið hluti af ímynd áfangastaðar sem getur haft áhrif á ákvörðun notenda um að heimsækja staðinn,“ segir í skýrslunni.\r\n\r\nÍ verkefninu skoðaði Anna Kristín hvernig samfélagsmiðlar hafa áhrif á aðdráttarafl ákveðinna svæða og hvernig sveitarfélög geti nýtt umhverfishönnun til að nýta þessi áhrif og styrkja ímynd sinna svæða. Hún gerði rafræna könnun til að varpa ljósi á þau áhrif sem samfélagsmiðlar hafa á notendur er varðar aðdráttarafl svæða. Niðurstöðurnar dró hún svo saman og flokkaði niður í hönnunarþætti sem sveitarfélög geta nýtt til að byggja upp myndræn bæjarrými og gera þau „Instagram-væn“.",
  "innerBlocks": []
}