medium

large

thumbnail

1536x1536

2048x2048

small

custom-size

Annir hjá björgunarsveitum í gær á sumardaginn fyrsta

Tíu frambjóðendur komnir með lágmarksfjölda meðmælenda

Harðviðarbryggja í smíðum í Ólafsvík

Fyrirhugaðir búferlaflutningar kannaðir á Vesturlandi

Kálfafjós í byggingu á Litla Kroppi

Þema ljósmyndasamkeppni er gleði

core/freeform

Málverk af Guðbjarti Hannessyni, fyrrverandi forseta Alþingis og skólastjóra Grundaskóla á Akranesi, var afhjúpað í Skála Alþingishússins í gær. Viðstaddir voru forseti Alþingis, fjölskylda Guðbjarts, vinir og samstarfsfólk hans úr Samfylkingunni auk fleiri. Það var Stephen Lárus Stephen listmálari sem málaði myndina og verður henni komið fyrir í efrideildarsal Alþingis. Hefð er fyrir því að gerð eru málverk af fráfarandi forsetum Alþingis og þeim komið fyrir í þinghúsinu.

Guðbjartur var alþingismaður Norðvesturkjördæmis frá árinu 2007 þar til hann lést, 23. október 2015. Hann var þingmaður fyrir Samfylkinguna. Guðbjartur var forseti Alþingis árið 2009, var félags- og tryggingamálaráðherra og heilbrigðisráðherra 2010 og velferðarráðherra 2011–2013.

Á heimasíðu Grundaskóla segir: „Guðbjartur, eða bara Gutti eins og hann var jafnan kallaður af nemendum og samstarfsmönnum, var fyrsti skólastjóri Grundaskóla árið 1981 og fylgdi skólanum eftir allt til 2015 er hann féll frá. Við í Grundaskóla fögnum því að þessum hæfileikaríka skólamanni, bæjarfulltrúa, þingmanni og ráðherra sé sýnd þessi virðing á Alþingi Íslendinga.“

Málverk af Guðbjarti afhjúpað á Alþingi