Fundur um svefn og svefnvenjur

Á vef Snæfellsbæjar segir frá áhugaverðum fjarfundi um svefn og svefnvenjur sem haldinn verður á morgun, miðvikudaginn 15. september kl. 17:30. Þar segir að á fundinum verði fjallað um mikilvægi svefns fyrir heilsu, líðan og árangur. Fyrirlesari er dr. Erla Björnsdóttir, sálfræðingur en Erla hefur sérhæft sig í rannsóknum og meðferð á svefnleysi og er stofnandi Betri svefns. Fundurinn er í boði leikskóla Snæfellsbæjar, grunnskóla Snæfellsbæjar, foreldrafélaga þeirra og íþrótta- og æskulýðsnefndar Snæfellsbæjar. Fyrirlestrinum verður streymt á netinu. Hægt er að smella á meðfylgjandi hlekk skömmu fyrir fundinn.

Líkar þetta

Fleiri fréttir