Undir kvöld í gær var safnið af Arnarvatnsheiði rekið til Fljótstunguréttar. Þar rétta bændur úr Hálsasveit og Reykholtsdal fé sínu í elstu steinhlöðnu rétt landsins sem enn er í notkun. Veður var prýðilegt, féð fallegt og allir því í góðu skapi. Strax og reksturinn var kominn í aðhald hófst sundurdráttur í dilka og var dregið fram í myrkur. Réttarhaldinu lauk svo í morgun og fénu öllu ekið heim á bæina. Tíðindamaður Skessuhorns var á staðnum og fangaði stemninguna.

Bændur og búalið í réttum á Vesturlandi er hvatt til að senda ritstjórn Skessuhorns myndir úr réttum í landshlutanum. Þær má senda á netfangið: skessuhorn@skessuhorn.is ásamt upplýsingum um stað, stund og nafn ljósmyndara.

: Hér á ekki asinn við.

: Gott að narta í smá birkirunna þegar tækifæri gefst.

: Þau Margrét Helga og Þorsteinn Bjarki mættu með þriggja mánaða dóttur sína í réttina.

: Logi Sigurðsson að koma úr leit í Jökulkróknum.

: Safnið að nálgast hraunið síðasta spölinn til réttar.

: Sigvaldi í Hægindi kíkir eftir fé sínu.

: Helga Jónsdóttir skellti sér á bak á smalahesti föður síns.

: Rekið inn í almenninginn. Ekki völdu þó allar að fara að fyrirmælum smalanna.

: Feðgin frá Skáney hjálpast að.

: Ármann á Kjalvararstöðum búinn að handsama eina.

: Guðfinna í Birkihlíð leyfði sonarsyninum að máta hnakkinn.

: Í kvöldhúminu, biðu sundurdráttar næsta morgun.

Myndasyrpa úr Fljótstungurétt