Flokkur fólksins sendi síðdegis í gær frá sér uppfærðan framboðslista í NV kjördæmi. Þá var búið að taka út nafn Ágústs Heiðars Ólafssonar sem skipaði annað sæti listans samkvæmt tilkynningu í gærmorgun. Í ljós hafði komið að Ágúst Heiðar var einnig á framboðslista Frjálslynda lýðræðisflokksins í Norðausturkjördæmi. Það var héraðsfréttablaðið Austurglugginn sem vakti athygli á málinu í gær, en óheimilt er að sami einstaklingur skipi sæti á tveimur framboðslistum. Eins og fram hefur komið skipar Eyjólfur Ármannsson fyrsta sæti listans en í upp í annað sætið færist Þórunn Björg Bragadóttir landbúnaðarverkakona. Hermann Jónsson Bragason vélstjóri skipar þriðja sætið.

Framboðslistinn í heild er þannig:

Nr. 1. Eyjólfur Ármannsson, lögfræðingur LL.M.

Nr. 2. Þórunn Björg Bjarnadóttir, landbúnaðarverkakona/fv. bóndi

Nr. 3. Hermann Jónsson Bragason, vélstjóri

Nr. 4. Eyjólfur Guðmundsson, vinnur á sambýli f. fatlaða

Nr. 5. Sigurlaug Sigurðardóttir, náttúrufræðingur

Nr. 6. Sigurjón Þórðarson, líffræðingur

Nr. 7. Sigríður Inga Sigurjónsdóttir, dýralæknir

Nr. 8. Bjarki Þór Pétursson, verkamaður/öryrki

Nr. 9. Jenný Ósk Vignisdóttir, landbúnaðarverkakona

Nr. 10. Einir G. Kristjánsson, verkefnastjóri/öryrki

Nr. 11. Sigurlaug Arnórsdóttir, öryrki

Nr. 12. Magnús Kristjánsson, eldri borgari

Nr. 13. Erna Gunnarsdóttir, öryrki

Nr. 14. Halldór Svanbergsson, bílstjóri

Nr. 15. Jóna Marvinsdóttir, matráður/eldri borgari

Nr. 16. Kristjana S. Vagnsdóttir, eldri borgari.

Flokkur fólksins birtir uppfærðan framboðslista í Norðvesturkjördæmi