Í næstu viku er fyrirhuguð fundaröð þar sem hugmyndir um stofnun vettvangs fyrir nýsköpun á Vesturlandi, Nýsköpunarnet Vesturlands (NÝVEST), verða kynntar. Undirbúningur hefur staðið yfir undanfarna mánuði en markmiðið með stofnun vettvangsins er að tengja saman alla þá sem vilja vinna að nýsköpun á Vesturlandi, fyrirtæki, stofnanir og einstaklinga.

Páll Snævar Brynjarsson, framkvæmdastjóri Samtaka sveitarfélaga á Vesturlandi (SSV) og Gísli Gíslason, formaður starfshóps um NÝVEST skrifuðu grein í Skessuhorn 1. september sl. þar sem þeir fara yfir ástæður og aðdraganda stofnunar NÝVEST og er áhugasömum bent á að kynna sér málið nánar þar.

Vettvangurinn verður sjálfseignarstofnun í tengslum við SSV. Allir sem áhuga hafa geta orðið stofnfélagar, þar sem einstaklingar leggi fram 15.000 króna stofnfé, en fyrirtæki 30.000 krónur. Vettvangurinn verður síðan opinn öllum sem áhuga hafa á.

Kynningarfundirnir verða á eftirtöldum stöðum:

Akranes Breið (HB húsið) mánudaginn 13. september kl. 12:00
Búðardalur Vínlandssetrið miðvikudaginn 15. september kl. 12:00
Borgarnes Hjálmaklettur (MB) miðvikudaginn 15. september kl. 16:00
Hellissandur Röstin fimmtudaginn 16. september kl. 12:00
Stykkishólmur Árnasetur fimmtudaginn 16. september kl. 12:00
Grundarfjörður Sögumiðstöðin fimmtudaginn 16. september kl. 16:00

Fundirnir eru opnir og allir sem áhuga hafa á nýsköpun á Vesturlandi eru hvattir til þess að mæta á fundina.

Kynningarfundir framundan um stofnun Nýsköpunarnets Vesturlands