Í gær smöluðu bændur í Hvítársíðu Síðufjallið og ráku safnið til Nesmelsréttar. Réttin var jafnframt sú fyrsta á Vesturlandi þetta haustið. Fram undan eru svo göngur og réttir víðs vegar um landshlutann næstu daga og vikur. Blaðamaður Skessuhorns kom við í réttinni og fangaði stemninguna. Réttarhaldið tók fljótt af en féð var einkum af nokkrum bæjum í Hvítársíðu og efstu bæjum í Stafholtstungum. Eins og sjá má á meðfylgjandi myndum kemur féð ágætlega vænt af fjalli og höfðu menn á orði að ef fallþungi verður ekki þokkalegur nú eftir gott tíðarfar í sumar, þá yrði hann það aldrei.

: Guðmundur frá Sámsstöðum að leyfa Ólafi Sveini ársgömlum syni sínum að setjast á bak.

: Slakað á á réttarveggnum.

: Guðjón á Síðumúlaveggjum og Sigurður á Bjarnastöðum.

: Það fór vel á með þeim Ingólfi á Lundum, Gumma Finns og Dagbjarti á Höfða.

: Það urðu fagnaðarfundir með þeim Daníel á Sámsstöðum og nokkrum af spöku kindunum á bænum.

Fyrstu réttir afstaðnar