medium

large

thumbnail

1536x1536

2048x2048

small

custom-size

Handritahátíð á Eiríksstöðum um næstu helgi

Ólafsvíkurvaka heppnaðist með ágætum – myndasyrpa

Lokadagur Fjórðungsmóts Vesturlands runninn upp

Mótorhjólaslys í Staðarsveit

Ástand Snæfellsnesvegar hefur aldrei verið verra

Hola!

core/freeform

Sveinn Arnar Sæmundsson, sem hefur verið organisti og kórstjóri hjá Akraneskirkju í tæp 20 ár, hefur ákveðið að taka sér árs leyfi frá störfum og verið ráðinn organisti í Víðistaðakirkju í Hafnarfirði. Frá þessu segir á vef Víðistaðakirkju en Sveinn Arnar tekur við af Helgu Þórdísi Guðmundsdóttur sem starfað hefur sem organisti síðastliðin níu ár en lét af störfum nú í sumar er hún tók við stöðu skólastjóra Listaskólans í Mosfellsbæ. Sveinn Arnar er Skagfirðingur að uppruna og hefur á starfsferli sínum verið organisti í Skagafirði, tónlistarkennari og stjórnað ýmsum kórum, meðal annars Kirkju- og Kammerkór Akraness, Skagfirska Kammerkórnum og Karlakórnum Heimi svo einhverjir séu nefndir. Þá var hann einn af stofnendum Kalman listafélagsins á Akranesi árið 2013 sem staðið hefur fyrir fjölda viðburða á Akranesi. Sveinn Arnar var valinn Bæjarlistamaður Akraness árið 2012.

Sveinn Arnar hefur þegar hafið störf í Hafnarfirði og segir á fésbókarsíðu sinni að hann kveðji Akranes í bili að minnsta kosti og það hafi verið einstaklega gott að vera á Akranesi. „Akraneskirkja býður upp á frábært starfsumhverfi og þar starfar fólk sem ég tel í alla staði einstakt. Kórstarfið hefur verið blómlegt og verður það áfram. Góður kór sem er mikilvægur hlekkur í safnaðarstarfinu. Ég skil sáttur við en þó með söknuði. Takk fyrir mig.“

Hilmar Örn Agnarsson, organisti og kórstjóri, hefur tekið við sem organisti Akraneskirkju í eitt ár. Árið 1991 var Hilmar Örn ráðinn organisti við Skálholtsdómkirkju og stjórnaði þar öflugu tónlistarlífi til loka árs 2008. Hann tók við stöðu organista í Kristskirkju, Landakoti í Reykjavík, í byrjun árs 2009. Hilmar Örn er einnig þekktur fyrir að hafa starfað í hljómsveitinni Þey sem var framsækin rokk- og pönksveit sem starfaði á árunum 1980-1983 en þar spilaði hann á bassa en Þeysarar, eins og þeir voru oftast kallaðir, gáfu út fjórar breiðskífur og fjórar smáskífur á sínum stutta ferli.

Sveinn Arnar ráðinn organisti í Víðistaðakirkju