Ný verslun, Dótarí, var fyrr í vikunni opnuð á Akranesi. Hún er til húsa í verslanamiðstöðinni Smiðjuvöllum 32. Í Dótaríi er mikið úrval leikfanga frá öllum helstu leikfangaframleiðendum. Þá er mikið úrval af fatnaði í boði ásamt gjafavöru.

Það eru hjónin Tinna Grímarsdóttir og Axel Freyr Gíslason sem eiga verslunina en þau hafa um árabil rekið fyrirtækið Smáprent á Akranesi. Smáprent hefur um langt skeið rekið leikfangaverslun, fyrst við Skagabraut og nú síðast Dalbraut, en að sögn Tinnu og Axels Freys var húsnæði Smáprents sprungið auk þess sem þau langaði til þess að auka vöruúrvalið. Þau seldu því húsnæði sitt við Dalbraut fyrr á þessu ári og hafa nú opnað nýja og mun stærri verslun á nýjum stað.

Verslunin Dótarí er opin alla virka daga frá klukkan 13 til 18 og frá kl. 11 til 15 um helgar.

Verslunin Dótarí opnuð á Akranesi