Dauðan hval rak á land í fjörunni fyrir landi Kjaransstaða í Hvalfjarðarsveit á föstudag eða laugardag. Búið er að skera á kvið hvalsins, líklega til að koma í veg fyrir að búkurinn tútni út og springi. Hvalurinn er rúmlega 12 metra langur og samkvæmt óstaðfestum upplýsingum er um langreyði að ræða, fremur en hrefnu. Landeigendur hafa ekki tekið ákvörðun um hvort óskað verði aðstoðar við að koma hræinu á sjó út, en þeir fengu fyrst í dag fregnir af hvalrekanum.

Hvalreki í Kjaransstaðafjöru