medium

large

thumbnail

1536x1536

small

custom-size

Feban sigurvegari á Vesturlandsmóti í boccia

Fylgdarakstur um Hvalfjarðargöng næstu þrjár nætur

2048x2048

Seldu dót til styrktar RKÍ

Viðvaranir fyrir Vesturland taka gildi á þriðjudagsmorgun

UMSB grípur inn í deilur í hestamannafélaginu

Fengu ísferð í Bauluna

core/freeform

Á fésbókarsíðunni „Bakland ferðaþjónustunnar“ kom nýverið mynd af skilti við Kirkjufellsfoss á Snæfellsnesi. Þar var auglýst gjaldtaka fyrir bílastæði og var skiltið merkt fyrirtækinu Sannir landvættir. Það fyrirtæki sér einnig um gjaldtöku og uppbyggingu á innviðum á fleiri stöðum á Íslandi eins og við Námaskarð og Laufskálavörðu en þau svæði eru einnig í einkaeigu líkt og Kirkjufellsfoss. Á heimasíðu fyrirtækisins má sjá eftirfarandi texta: „Sannir landvættir bjóða viðskiptavinum sínum uppá víðtæka þjónustu á sviði uppbyggingar á ferðamannastöðum. Allt frá einfaldri ráðgjöf til allsherjar uppbyggingar, fjármögnunar og rekstrar stórra svæða.“

[caption id="attachment_46786" align="alignleft" width="272"]<img class="wp-image-46786" src="https://skessuhorn.is/wp-content/uploads/2021/08/Landvaettir-hyggja-a-gjaldtoku-vid-Kirkjufell_2-600x400.jpg" alt="" width="272" height="181" /> Séð yfir bílastæðið sem var þétt setið að venju.[/caption]

Bílastæðið við Kirkjufell var byggt upp með styrk frá Framkvæmdasjóði ferðamannastaða og hófst sú vinna árið 2018. Á fundi bæjarráðs Grundarfjarðar í júlí 2019 var óskað eftir breytingum á samningnum á milli landeiganda og bæjarins með aðkomu Framkvæmdasjóða ferðamannastaða. Í janúar 2021 voru lögð fram drög að samningi Grundarfjarðarbæjar við fyrirtækið Sanna landvætti um bílastæði við Kirkjufellsfoss ásamt beiðni Grundarfjarðarbæjar til Framkvæmdasjóðs ferðamannastaða í júlí 2019 um að verkþáttur vegna bílastæða verði tekinn út úr framkvæmdaáætlun vegna styrkveitingar við áningarstaðinn Kirkjufellsfoss. Áður höfðu landeigendur og Sannir landvættir gengið til samninga um rekstur svæðisins. Félag á vegum Sannra landvætta tekur þá yfir rekstur bílastæðisins og sinnir þjónustu á því. Bílastæðinu yrði þá afsalað til félagsins gegn greiðslu framkvæmdakostnaðar. Í júlí í sumar var svo undirritaður samningur við Sanna landvætti lagður fyrir bæjarráð til endanlegrar staðfestingar og var það samþykkt samhljóða. Nú er gjaldtaka að hefjast og fara tekjurnar af innheimtunni í að reka svæðið í framtíðinni.

„Í raun er þetta mjög sanngjörn leið til að sjá til þess að reka svæðið og veita góða þjónustu þannig að upplifum gesta sé góð,“ segir Björg Ágústsdóttir bæjarstjóri Grundarfjarðarbæjar í samtali við Skessuhorn. „Tekjur sem af þessu koma, fara í að sjá um vetrarþjónustu á svæðinu, til að hafa umsjónarmann sem losar rusl, sandar, saltar, lætur moka á veturna og hefur eftirlit með svæðinu svo eitthvað sé nefnt.“ Þónokkrar framkvæmdir eru á döfinni hjá Sönnum landvættum en stefnt er að því að byggja upp göngustígana betur og bæta aðgengi fyrir fatlaða. Verður spennandi að fylgjast með framvindunni á svæðinu næstu misserin.

Gjaldskylda er ekki byrjuð og fólki frjálst að leggja endurgjaldslaust á svæðinu. Sá háttur verður hafður á til að byrja með en í framtíðinni verður gjald innheimt fyrir þá sem leggja á svæðinu nema lagt sé í mjög skamman tíma.  Á næstunni þurfa þeir sem ætla að skoða Kirkjufellsfoss að greiða 1.000 krónur fyrir fólksbíl, 1.800 kr. fyrir húsbíl og 6.400 kr. fyrir rútur. Að vísu er veglegur afsláttur af gjaldinu á meðan framkvæmdum stendur.

Sannir landvættir undirbúa gjaldtöku við Kirkjufell