Kassabílarallýið á Akranesi fer fram á morgun. Í tilefni af því var kassabílahittingur á laugardaginn á Akratorgi þar sem fullt var af kassabílum og enn meira af fólki, eins og meðfylgjandi myndir sýna. Leikskólabílarnir voru afhentir Frystihúsinu og verða svokallaðir ísbílar fram að keppni fyrir gesti og gangandi til að taka rúntinn á torginu.

Á morgun, laugardag, verður svo kassabílarallýið sjálft. Mæting verður á Akratorgi klukkan 12 og hálftíma síðar verður ekið niður á Akursbraut í halarófu þar sem keppnissvæðið er. Keppt verður í þremur greinum. Klukkan 13.30 hefst keppni í Þrautabraut 1, klukkan 14.30 er keppni í Hvaða bíll rennur lengst með atrennu og klukkan 15.30 er keppt í Þrautabraut 2. Klukkan 17 verða úrslit tilkynnt og verðlaunaafhending.

Kassabílarallý ársins verður á morgun