medium

large

thumbnail

1536x1536

2048x2048

small

custom-size

Dótarí opnað að Skólabraut 14

Gul viðvörun í fyrramálið og til hádegis

Fyrri aðalfundur Knattspyrnufélags ÍA haldinn

Varað við erfiðum akstursskilyrðum á morgun

Yfirlitssýningar á bestu lambhrútum á Vesturlandi haustið 2024 – Jón Viðar skrifar

Segja veiðisögur annað kvöld í Halldórsfjósi

core/freeform

Séra Ólöf Margrét Snorradóttir sóknarprestur á Egilsstöðum hefur verið ráðin sem nýr prestur í Garða- og Saurbæjarprestakalli á Vesturlandi. Í prestakallinu eru fyrir þau sr. Þráinn Haraldsson sóknarprestur og sr. Þóra Björg Sigurðardóttir. Það var kjörnefnd heimafólks sem réði Ólöfu Margréti til starfans og hefur biskup Íslands staðfest ráðningu hennar.

Sr. Ólöf Margrét Snorradóttir er fædd á Ísafirði 1971. Foreldrar hennar eru Fríða Hjálmarsdóttir sjúkraliði og Snorri Sturluson fiskmatsmaður. Hún ólst upp fyrstu árin í Önundarfirði en síðar á Húsavík. Ólöf Margrét lauk stúdentsprófi frá Menntaskólanum við Sund 1992, BA prófi í almennum málvísindum 1997 og starfaði í nokkur ár hjá Orðabók Háskólans. Kandidatsprófi í guðfræði lauk hún 2013 og vígðist til Egilsstaðaprestakalls 2014 þar sem hún hefur starfað síðan. Þá lauk sr. Ólöf diplómanámi í sálgæslufræðum 2020. Ólöf Margrét er fráskilin og á þrjár dætur.

Garða- og Saurbæjarprestakall samanstendur af fjórum sóknum; Akranessókn með um 7.800 íbúa, Saurbæjarsókn á Hvalfjarðarströnd með rúmlega 140 íbúa, Leirársókn með rúmlega 300 íbúa og Innra-Hólmssókn með rúmlega 150 íbúa. Fjórar kirkjur eru í prestakallinu; Akraneskirkja, Hallgrímskirkja í Saurbæ, Leirárkirkja og Innra- Hólmskirkja.

Ráðin í starf prests á Akranesi og í Hvalfjarðarsveit