Ferðafélag Borgarfjarðarhéraðs, Skógræktarfélag Borgarfjarðar og Umsjónarnefnd Einkunna efndu til sameiginlegs átaksverkefnis, Einkunnardags, síðastliðinn laugardag. Um þrjátíu sjálfboðaliðar á öllum aldri tóku til hendinni í fólkvanginum Einkunnum rétt fyrir ofan Borgarnes og var miklu komið í verk. Vinnugleði sjálfboðaliða einkenndi hópinn sem var saman kominn til að hlúa að svæðinu. Helstu verkefni voru að endurstika gönguleiðina frá Einkunnum að Borg á Mýrum og klippa og saga trjágróður á stígnum, lagfæra göngustíga á svæðinu og bera í þá kurl, smíða fleka yfir mýri og fleira í þeim dúr. Geirabakarí í Borgarnesi skaffaði duglegum sjálfboðaliðum veitingar í hádegishléinu en dagurinn í heildina þótti að öllu leyti frábær og vilja skipuleggjendur koma á framfæri þökkum til þeirra sem komu og lögðu hönd á plóg.

: Steinar notaðir til að ramma inn göngustíga.

: Eiríkur Þór Theodórsson stillir sér upp fyrir eina mynd áður en hann mokar kurli í hjólböru.

Vel heppnaður Einkunnardagur