Listi Sósíalistaflokksins í Norðvesturkjördæmi fyrir alþingiskosningarnar 25. september hefur verið kynntur. Í fyrsta sæti er Helga Thorberg, menntuð leikkona og garðyrkjufræðingur. Í öðru sæti er Árni Múli Jónasson mannréttindalögfræðingur og framkvæmdastjóri Þroskahjálpar og í þriðja sæti er Sigurður Jón Hreinsson, vélahönnuður og bæjarfulltrúi.

„Græðgi, taumlaus neysla og virðingarleysi við móðir jörð er á góðri leið með að útrýma öllu lífi á jörðinni,“ segir Helga Thorberg í tilkynningu vegna framboðsins. „Það er á ábyrgð stjórnvalda að grípa til aðgerða til að sporna við eyðileggingunni. Það er hins vegar okkar ábyrgð að velja þá sem fara með valdið. Þess vegna þurfum við stjórnvöld sem eru tilbúin til að fara í þær róttæku breytingar, stjórnvöld sem eru ekki að þjóna auðvaldinu heldur almenningi. Með því að fylkja okkur um stefnu Sósíalistaflokksins, veljum við efnahagskerfi sem byggir á lífvænlegum gildum fyrir fjöldann, en ekki sérhagsmunum fárra. Róttækra aðgerða er þörf. Ég ætla að leggja því lið,“ segir Helga Thorberg.

Listinn er þannig í heild sinni:

Nr. 1 Helga Thorberg, leikkona og garðyrkjufræðingur

Nr. 2 Árni Múli Jónasson, mannréttindalögfræðingur og framkvæmdastjóri Þroskahjálpar

Nr. 3 Sigurður Jón Hreinsson, véliðnfræðingur og bæjarfulltrúi

Nr. 4 Aldís Schram, lögfræðingur og kennari

Nr. 5 Bergvin Eyþórsson, þjónustufulltrúi og varaformaður Verkalýðsfélags Vestfjarða

Nr. 6 Guðni Hannesson, ljósmyndari

Nr. 7 Ágústa Anna Ómarsdóttir, lyfjatæknir

Nr. 8 Sigurbjörg Magnúsdottir, eftirlaunakona

Nr. 9 Jónas Þorvaldsson, sjómaður

Nr. 10 Valdimar Arnþór Anderssen, heimavinnandi húsfaðir

Nr. 11 Guðrún Bergmann Leifsdóttir, listakona

Nr. 12 Magnús A. Sigurðsson, minjavörður Vesturlands

Nr. 13 Dröfn Guðmundsdóttir, kennari

Nr. 14 Indriði Aðalsteinsson, bóndi

Nr. 15 Fjóla Heiðdal Steinarsdóttir, háskólanemi

Nr. 16 Finnur Torfi Hjörleifsson, lögfræðingur, eftirlaunamaður.

Sósíalistaflokkurinn birtir framboðslista sinn í Norðvesturkjördæmi