Mikill kraftur er í malbikunarframkvæmdum í Snæfellsbæ um þessar mundir en þriðji áfangi malbikunarframkvæmda í Snæfellsbæ hófst síðustu vikuna í júlí og mun standa fram í ágúst en fyrstu áfangar voru teknir sumrin 2017 og 2019. Að auki verða gerðar smávegis lagfæringar og malbik lagt á minni svæði til að gera umhverfið snyrtilegra.

Hellissandur var fyrstur í röðinni í sumar og búið er að malbika á Keflavíkurgötu, Skólabraut, Bárðarás, Snæfellsás ásamt bílastæðinu við Röst. Í Rifi á að ljúka við að malbika Háarif í báða enda og í Ólafsvík er búið að malbika Hábrekku, Túnbrekku, Hjallabrekku, efsta hluta Klifbrekku, Sandholt, Brautarholt, Vallholt og Engihlíð.

Mikil bæjarprýði er af þessum framkvæmdum og stefnt er að því að malbika þær götur sem ekki eru teknar núna í næstu áföngum.

Biksvartir á bumbunni í Ólafsvík.

Malbikunar-framkvæmdir í Snæfellsbæ