Síðdegis á miðvikudaginn lauk þriggja móta púttkeppni FEBAN og FEBBN. Sem fyrr var mótið haldið á þremur stöðum; í Borgarnesi, Nesi í Reykholtsdal og endað á Garðavelli á Akranesi. Fyrirkomulag mótsins er þannig að árangur sjö bestu kylfinga hvors félags gildir til úrslita. Það voru Borgfirðingar í FEBBN sem báru sigur út býtum á mótinu, en þó með litlum mun. Þeir spiluðu á 1.437 höggum en Skagamenn á 1.458. Svo jöfn var baráttan síðasta keppnisdaginn að einungis eitt stig skildi liðin að; 497:496, Borgfirðingum í vil. Skagamenn sigruðu á öðru mótinu en Borgfirðingar því fyrsta. Bestum árangri kylfinga á öllum mótunum náði Skagamaðurinn Ásgeir Samúelsson.

Íþróttastjórar félaganna og þjálfarar eru þeir Þorvaldur Valgarðsson á Akranesi og Ingimundur Ingimundarson í Borgarnesi. Þeir stýrðu mótunum af röggsemi og hvöttu sitt fólk til dáða. Þótt keppnisandi væri til staðar var góða skapið allsráðandi og fólk einhuga um að þessi samskipti félaganna efla tengsl og vinskap íþróttafólksins.

: Kúlan á leið í holuna á 10. braut.

: Ingimundur Ingimundarson ber sig fagmannlega að á 13. brautinni.

: Þorvaldur Valgarðsson formaður íþróttaklúbbs FEBAN afhenti Borgfirðingum bikarinn. Við honum tóku þau Guðrún Helga Andrésdóttir og Sigurður Þórarinsson sem náðu bestum samanlögðum árangri Borgfirðinga síðasta keppnisdaginn.

: Aldursforseti mótsins; Þórhallur Björnsson, fagnaði níræðisafmælinu í vor. Hér slær hann inn á 12. braut.

Luku púttmótaröð sumarsins