Á þriðja tímanum í dag kom upp eldur í fólksbíl skammt frá norðurenda Hvalfjarðarganganna og varð hann fljótt alelda. Slökkvilið Akraness og Hvalfjarðarsveitar mætti á svæðið og tók slökkvistarf skamman tíma. Umferð suður í gegnum göngin var stöðvuð og hafa talsverðir raðir bíla myndast langleiðina á Akranes, en í dag var umferð suður beint norður fyrir Akrafjall vegna malbikunarframkvæmda austan við fjallið.

Lán í óláni var að eldsins í bílnum varð vart skömmu áður en honum var ekið í Hvalfjarðargöngin. Engan sakaði.

Brann við enda Hvalfjarðarganga