Stefnt er að því að spretta úr spori í Borgarnesi í júní 2022.

Ákveðið að fresta Landsmóti 50+ í Borgarnesi

Ákveðið hefur verið að fresta Landsmóti UMFÍ 50+ sem vera átti í Borgarnesi í lok ágúst. Það er gert vegna mikillar óvissu um sóttvarnir sem þá verða í gildi og fjölda sem má koma saman. Stefnt er að því að halda mótið í Borgarnesi í júní á næsta ári.

„Við vorum einróma hjá UMFÍ og mótshaldarar í Borgarbyggð að leggja lóð okkar á vogarskálarnar í baráttunni við útbreiðslu veirunnar og fresta mótinu til að tryggja öryggi þátttakenda og þeirra sjálfboðaliða sem ætluðu að vinna við það. Þótt við þurfum að taka þungbærar ákvarðanir þá verður baráttan ekki unnin öðruvísi en með samheldni,‟ segir Ómar Bragi Stefánsson, framkvæmdastjóri móta UMFÍ í tilkynningu.

Líkar þetta

Fleiri fréttir