Þátttaka vegna nauðsynlegra tannviðgerða

Heilbrigðisráðherra hefur staðfest rammasamning Sjúkratrygginga Íslands og tannlækna um nauðsynlegar tannlækningar vegna alvarlegra afleiðinga meðfæddra galla, slysa og sjúkdóma. Í stað endurgreiðslugjaldskrár frá árinu 2014 er nú búið að semja við tannlækna um föst verð sem hækkuð verða tvisvar á ári.  Samningurinn gildir frá 15. júlí 2021 til og með 30. september 2022. Lengi hefur legið fyrir að fólk með alvarlegan sértækan tannvanda nýtur ekki jafnræðis í samanburði við aðra hópa þegar kemur að greiðsluþátttöku Sjúkratrygginga Íslands í kostnaði vegna tannlækninga. Umræddir einstaklingar hafa fengið greiðsluþátttöku samkvæmt gjaldskrá sem ekki hefur verið uppfærð frá árinu 2014 með þeim afleiðingum að greiðsluþátttaka sjúkratrygginga hefur verið minnkandi hluti af kostnaði sjúkratryggðra frá árinu 2014. Nú hefur það verið leiðrétt.

Líkar þetta

Fleiri fréttir