Þríþrautarkeppnin Álmaðurinn fór fram á miðvikudaginn á Akranesi. Í henni er hjólað frá Akraneshöllinni upp að Akrafjalli, þaðan er hlaupið upp á topp á Háahnúki og niður aftur, síðan er hjólað á ný að Langasandi þar sem lokahluti keppninnar fer fram með sjósundsspretti sem er 400 metrar.

Veður var sæmilegt, logn en mikil þoka í fjallinu og mikill öldugangur á Langasandi. Fjöldi fólks fylgdist með keppninni og hvatti sitt fólk áfram.

Það voru þau Aldís Birna Róbertsdóttir og Stefán Karl Sævarsson sem sigruðu í einstaklingskeppninni eins og í fyrra og Aldís vann þriðja árið í röð. Í liðakeppninni kepptu tvö lið og þar var það Þríþrautarfélagið Ólafur sem bar sigur úr býtum gegn liði Gömlu Jálkanna.

Helstu úrslit og tímar:

Kvennaflokkur

Aldís Birna Róbertsdóttir 1:22:14
Ewa Przybyla 1:26:31
Berglind Árnadóttir 1:28:09

Karlaflokkur

Stefán Karl Sævarsson 1:06:32
Viðar Þorsteinsson 1:12:35
Arkadiusz Przybyla 1:13:42

Liðakeppni

Þríþrautarfélagið Ólafur 1:25:32
Gömlu Jálkarnir 1:30:1

: Aldís Birna vann Álmanninn þriðja árið í röð.

: Stefán Karl kampakátur eftir sigurinn.

Hörkukeppni í Álmanninum 2021