Í Alviðru í Dýrafirði dveljast nú tólf listamenn sem eru að vinna að umhverfislist í landi Alviðru. Þema verkefnisins er Milli fjalls og fjöru. Á laugardaginn kemur 3. júlí kl. 14 verður opnun umhverfislistaverkunum í Alviðru. Listamennirnir sem starfa í verkefninu eru:

Thora Karlsdóttir, Steinunn Matthíasdóttir, Aðalsteinn Þórsson, Arna Guðný Valsdóttir, Dagrún Matthíasdóttir, Guðrún Hadda Bjarnadóttir, Ólafur Sveinsson, Mireya Samper, K J Baysa, Marsibil Kristjánsdóttir, Guðbjörg Lind Jónsdóttir og Nina Ivanova.

Um síðustu helgi fór fram kynning á verkefninu og listamannaspjall auk þess sem myndlistasýning þátttakenda var opnuð í fjárhúsunum sem fékk vinnuheitið Fjárhús Listhús. Fjárhúsið er einnig vinnuaðstaða listamannanna og er sýningin í þeim opin til og með 4. júlí þegar þátttakendur ljúka störfum en umhverfislistin verður uppi í sumar eða eins og veðrun leyfir.

List í Alviðru