medium

large

thumbnail

1536x1536

2048x2048

small

custom-size

Leikskólabörn skoðuðu sjúkrabílinn

Héldu forvarnadag í Fjölbrautaskóla Vesturlands

Askja Vesturlandi opnar á laugardaginn

Nagladekkin undan?

Skorradalshreppur hástökkvari í íbúafjölgun

Mældist á 140 km hraða þar sem hámarkshraði er 90

core/freeform

Eins og fram kom í frétt <a href="https://skessuhorn.is/2021/06/25/kuabaendur-byrjadir-slatt/">hér á vef Skessuhorns</a> í morgun hóf Haraldur Benediktsson bóndi á Vestra-Reyni við Akrafjall slátt á miðvikudaginn. Töðunni af heimatúninu var svo pakkað í plast síðdegis í gær og hélt hann í kjölfarið áfram með sláttinn. En Haraldur slær til á öðrum vettvangi einnig. Í samtali við blaðamann Skessuhorns síðdegis í gær kom fram hjá honum að hann hafi tekið ákvörðun um að þiggja 2. sætið á lista Sjálfstæðisflokksins í Norðvesturkjördæmi. Eins og kunnugt er sóttist hann eftir oddvitasæti listans en laut í gras í þeirri prófkjörsbaráttu við Þórdísi Kolbrúnu R Gylfadóttur ráðherra.

„Í ljósi þess að ég stefndi á fyrsta sætið í prófkjörinu var ég ekki sannfærður um hvort ég tæki annað sætið, gæfi nýjum oddvita sviðið óskert. Vildi í það minnsta hugsa minn gang og heyra hljóðið í flokksforystunni og baklandi mínu. Ég hef á síðustu dögum meðtekið gríðarlegan fjölda áskorana um að þiggja annað sætið á listanum. Þar eiga í hlut bæði dyggir stuðningsmenn mínir í gegnum tíðina og einnig óflokksbundið fólk sem annt er um stöðu landsbyggðarinnar. Ég get því ekki litið framhjá þeirri staðreynd að þrátt fyrir allt virðist ennþá vera eftirspurn eftir störfum mínum á þingi. Ég get því upplýst að ég lýsi mig tilbúinn í framboðsslaginn,“ segir Haraldur bóndi og þingmaður í samtali við Skessuhorn.

Haraldur slær til og þiggur annað sætið