medium

large

thumbnail

1536x1536

small

custom-size

ÞB Borg reisir glæsihýsi í Stykkishólmi

2048x2048

Brást illa við afskiptum lögreglu

Fjölmenningarskóli Vesturlands tekinn til starfa

Framkvæmdir komnar vel á veg í Víkurhverfi

Vill byggja upp ullarvinnslu fyrir Dalina

Hlutur ferðaþjónustu í landsframleiðslu aldrei verið meiri

core/freeform

Heilsugæslan hefur tekið í notkun hraðapróf til greiningar á kórónuveirunni sem veldur Covid-19. Hraðaprófin eru ekki notuð við einkennasýnatöku, heldur eru þau eingöngu ætluð þeim sem þurfa á þeim að halda, t.d. vegna ferðalaga, þar sem krafist er neikvæðrar niðurstöðu úr sýnatöku á landamærum og niðurstaða úr hraðprófi er tekin gild. Gjald fyrir sýnatöku með hraðaprófi er 4.000 krónur, hvort sem hlutaðeigandi einstaklingur er sjúkratryggður hér á landi eða ekki.

Hér á landi hafa fram að þessu eingöngu verið notuð PCR-próf til að greina kórónuveiru í fólki og á landamærum Íslands eru aðeins teknar gildar niðurstöður úr PCR-prófum. Heilsugæslan býður einnig upp á töku PCR-prófa úr einkennalausum einstaklingum þurfi þeir á því að halda og er gjald fyrir sýnatökuna 7.000 krónur, jafnt fyrir sjúkratryggða sem ósjúkratryggða. Heilbrigðisráðherra hefur sett reglugerð sem kveður á um gjaldtökuna.

Mörg lönd taka gildar niðurstöður hraðaprófa á landamærum. Því má gera ráð fyrir því að töluverð eftirspurn sé eftir hraðaprófum hjá erlendum ferðamönnum og Íslendingum sem hyggja á ferðalög út fyrir landsteinanna. Niðurstaða úr hraðaprófi liggur fyrir á um klukkustund en það getur tekið allt að sólarhring að fá niðurstöðu úr PCR-prófi.

Hraðapróf veita ekki jafnöruggar niðurstöður og PCR-próf og gildir sú regla hér á landi að ef einstaklingur greinist með kórónuveiruna í hraðaprófi þarf hann jafnframt að undirgangast PCR-próf.

Hraðapróf til sýnatöku tekið í notkun á heilsugæslustöðvum