Tjald göngufólksins.

Erfiðar aðstæður á hálendinu

Í gær sinnti hópur á hálendisvakt björgunarsveita Landsbjargar um 12 klukkustunda útkalli við leit að göngufólki sem hafði ekki skilað sér í skála. „Þrátt fyrir að dagatalið sýni að langt sé liðið á júnímánuð endurspegla aðstæður á hálendinu það ekki en snjór er víða mjög mikill. Hann gerði nokkrum göngumönnum á leið um Laugaveginn erfitt fyrir og þegar nokkrir þeirra höfðu ekki skilað sér í skála í Álftavatni var hafin leit að þeim. Eftir um átta klukkustunda leit í slæmu skyggni fannst tjald fólksins á fjallshrygg en þar höfðu þau sett niður tjaldið, ekki treyst sér til að tjalda á snjó sem var allt í kring. Þetta fór því vel en nauðsynlegt er að benda á að áætla þarf aukinn tíma í lengri göngur á hálendinu á næstunni og afla sér upplýsinga um aðstæður,“ segir Jónas Guðmundsson upplýsingafulltrúi Landsbjargar.

Hér sést hversu mikill snjór er enn við skálann í Hrafntinnuskeri.

Líkar þetta

Fleiri fréttir