medium

large

thumbnail

1536x1536

small

custom-size

ÞB Borg reisir glæsihýsi í Stykkishólmi

2048x2048

Brást illa við afskiptum lögreglu

Fjölmenningarskóli Vesturlands tekinn til starfa

Framkvæmdir komnar vel á veg í Víkurhverfi

Vill byggja upp ullarvinnslu fyrir Dalina

Hlutur ferðaþjónustu í landsframleiðslu aldrei verið meiri

core/freeform

Síðdegis í gær var listaverkið Veðurhorfur eftir Sólrúnu Halldórsdóttur afhjúpað í Grundarfirði við hátíðlega athöfn.  Frú Elíza Reid forsetafrú sá um afhjúpunina en henni til aðstoðar var blómarósin Elísa Gunnarsdóttir, frænka listakonunnar. Veðurhorfum var komið fyrir í hallanum milli kirkjunnar og Fellaskjóls í Grundarfirði og sýnir 112 nöfn á vindi, allt frá blankalogni til gjörningaveðurs.

[caption id="attachment_44974" align="alignleft" width="285"]<img class="wp-image-44974 " src="https://skessuhorn.is/wp-content/uploads/2021/06/Listaverkid-Vedurhorfur-afhjupad-i-Grundarfirdi_2-600x400.jpg" alt="" width="285" height="190" /> Sólrún Halldórsdóttir og Elíza Reid.[/caption]

Listakonan Sólrún Halldórsdóttir er fædd og uppalin í Grundarfirði en býr í Kópavogi í dag. Ræturnar til Grundarfjarðar eru sterkar og kom ekkert annað til greina en að setja listaverkið með 112 tilbrigðum af íslenskum veðurorðum upp þar. Verkið var fyrst sett upp í Grundarfirði sumarið 2019 í tengslum við sýninguna Umhverfing sem samanstóð af mörgum listaverkum sem sett voru upp vítt og breytt um Snæfellsnes það sumar. „Ég fékk hugmyndina fyrst 16. nóvember 2018 á degi íslenskrar tungu, sem er fæðingardagur Jónasar Hallgrímssonar. Ég heyrði að við ættum yfir 130 orð yfir vind. Þetta þótti mér áhugavert og kjölfarið fór ég í rannsóknarvinnu og ræddi við marga vítt og breytt um landið, til sjávar og sveita, og fann 138 orð sem hægt er að skilgreina sem vind eða veðurbrigði þar sem vindur kemur við sögu,“ segir Sólrún í stuttu spjalli við Skessuhorn.

„Ég ákvað að hafa orðin 112 og tengdi þetta þannig við neyðarnúmer viðbragðsaðila á Íslandi sem þurfa oft að fara af stað í allskyns veðrum, einkum ef vindur er mikill.“ Sólrún segist oft fá athugasemdir um einhver ákveðin orð sem vanti og hefur bara gaman af því. Nú geta menn komið saman á Kirkjuholtinu í Grundarfirði og haft sérstaka ástæðu til að rökræða um veðrið.

<strong>Úr traustara efni nú</strong>

[caption id="attachment_44975" align="alignleft" width="286"]<img class="wp-image-44975" src="https://skessuhorn.is/wp-content/uploads/2021/06/Listaverkid-Vedurhorfur-afhjupad-i-Grundarfirdi_3-600x450.jpg" alt="" width="286" height="214" /> Veðurhorfur segir frá 112 afbrigðum af vindi, allt frá blankalogni til gjörningaveðurs.[/caption]

Verk Sólrúnar sem hún setti upp sumarið 2019 átti upphaflega að standa í þrjár vikur og var gert úr ódýrara og veikbyggðara efni en hún notar við endurgerð þess nú. Verkið var þannig úr garði gert að mjög freistandi var að sitja á því og krökkunum fannst gaman að hlaupa eftir endilöngu verkinu. „Undirstöðurnar voru ekki að þola það,“ segir Sólrún. Verkið vakti mikla athygli og var góður rómur gerður að því enda sómdi það sér vel þar sem það stóð á túninu við Grundarfjarðarkirkju. „Ég ákvað því að sækja um styrk til að gera verkið þannig úr garði að það gæti staðið af sér veður og vind og verið prýði til lengri tíma. Uppbyggingarsjóður Vesturlands styrkti mig fyrir hluta af efniskostnaði og hjálpaði það til. Ég byrjaði á þessu 5. janúar á þessu ári og það hafa farið um fjögur hundruð vinnustundir í verkið. Uppsetning á verkinu hófst svo 22. apríl og hefur verið i um það bil mánuð. Ég fann grjót í undirstöðurnar í sömu malarnámu og grjótið fór í nýju höfnina. Ég hef fengið hjálp úr ýmsum áttum síðustu daga og hafa starfsmenn bæjarins meðal annarra hjálpað til og kann ég þeim bestu þakkir fyrir.“

&nbsp;

&nbsp;

Forsetafrúin afhjúpaði Veðurhorfur – 112 orð íslenskrar tungu um vind