medium

thumbnail

small

custom-size

Fóru í menningarferð til Danmerkur

large

1536x1536

2048x2048

Íslensku jólasveinarnir eru úr Dölunum

Þriðja tap Skagamanna í röð í Bestu deildinni

Fjölmenni á Davíðsmóti í Dölum

Plokkað í Grundarfirði

Segja ráðherra skorta innistæðu fyrir auknum strandveiðum

core/freeform

Í dag var opnuð deilileiga fyrir rafskútur á Akranesi undir merkjum Hopp. Þjónustan verður opnuð sem sérleyfi en það eru Akurnesingarnir Íris Gústafsdóttir, Alexandra Jóna Hermannsdóttir og Gunnar Örn Gíslason sem standa að baki rekstrinum á Akranesi. Í tilkynningu frá Hopp á Akranesi kemur fram að opnað verður með 40 rafskútum en þessar rafskútur eru þær sömu og hafa þeyst um götur Reykjavíkur undanfarin misseri. „Hopp er umhverfisvænt fyrirtæki og kýs að endurnýta rafskúturnar eins vel og hægt er. Hafa þær því verið endurnýjaðar og lagfærðar og munu gera íbúum á Akranesi kleift að hoppa leiðar sinnar,“ segir í tilkynningu.

[caption id="attachment_44605" align="alignleft" width="343"]<img class="wp-image-44605" src="https://skessuhorn.is/wp-content/uploads/2021/05/Hopp-rafskutur-maettar-a-Akranes_2-600x401.jpg" alt="" width="343" height="229" /> Sævar Freyr bæjarstjóri ásamt aðstandendum Hopp á Akranesi.[/caption]

Fyrir þá sem ekki þekkja er Hopp Mobility alíslenskt fyrirtæki sem býður upp á þjónustu þar sem hægt er að leigja rafskútur innan ákveðins þjónustusvæðis. Notendur aflæsa rafskútunum með appi og geta síðan keyrt um á þeim gegn vægu gjaldi. Þegar ferðinni er lokið er hægt að leggja rafskútinni hvar sem er innan þjónustusvæðis. Þjónustusvæðið nær yfir alla byggðina á Akranesi. Appið er fáanlegt bæði fyrir Android og iPhone og er mjög auðvelt í uppsetningu. Rafskúturnar eru með hámarkshraða upp á 25 km/klst og komast hátt í 45 km á einni hleðslu.

„Líkt og í Reykjavík mun Hopp á Akranesi sjá til þess að þjónustan gagnist heimamönnum fyrst og fremst. Markmiðið er að bjóða einstaklingum upp á umhverfisvænan, ódýran og handhægan ferðamáta til þess að komast leiðar sinnar á svæðinu. Það mun kosta 100 kr. að aflæsa rafskútunum og svo 30 kr. hver mínúta í leigu þar á eftir.“ Fimm mínútna ferð mun þá kosta 250 kr. Einnig er hægt að setja rafskútuna í „pásu“ og kostar þá mínútan 20 kr. (Sjá nánari upplýsingar í Hopp-appinu).

„Við viljum biðja notendur þjónustunnar um að fara varlega og fylgja umferðarlögum. Einnig er mælt eindregið með því að fólk noti hjálma á meðan hoppað er um götur bæjarins. Í appinu eru nákvæmar leiðbeiningar og notendaskilmálar um hvernig á að nota þjónustuna og hvar er leyfilegt að hoppa. Við uppsetningu á appinu eru notendum kennt hvernig á að leggja rafskútunum að ferð lokinni þannig að þær verði ekki í vegi fyrir öðrum vegfarendum.“

Út fyrstu vikuna á Akranesi munu nýir notendur sem sækja appið fá fyrstu tvær ferðirnar sínar ókeypis. „Við vonum að þessi þjónusta verði kærkomin viðbót við litríkt og skemmtilegt bæjarlíf Akraness.“

Hopp rafskútur mættar á Akranes