Skagamennirnir Oliver og Ísak á góðri stund. Ljósm. kfia.is

Með sjaldgæfan blóðtappa

Skagamaðurinn Oliver Stefánsson, sonur Stefáns Þórs Þórðarsonar og Magneu Guðlaugsdóttur, og varnarmaður sænska úrvalsdeildarfélagsins Norrköping, verður frá næsta hálfa árið hið minnsta eftir að hafa fengið blóðtappa fyrir neðan háls. Oliver, sem er 18 ára gamall, hefur verið mjög óheppinn með meiðsli frá því hann kom til Íslendingafélagsins seint á árinu 2018 en Ísak Bergmann Jóhannesson leikur einnig með liðinu. Þrálát mjaðmameiðsli urðu þess valdandi að tvö ár liðu á milli æfingaleikja sem Oliver náði að spila með Norrköping, fyrst á undirbúningstímabilinu 2019 og svo fyrr á þessu ári. Þrátt fyrir það stendur Oliver keikur: „Það er bara áfram gakk, það þýðir ekkert annað en að halda áfram,“ sagði hann í samtali við blaðamann Fótbolta.net.

Líkar þetta

Fleiri fréttir