Óvissustigi almannavarna verður lýst yfir vegna þurrka
Mjög þurrt og sólríkt veður hefur einkennt veðráttuna síðan um miðjan apríl. Samhliða því stóreykst hættan á gróðureldum. Slíkir eldar hafa undanfarna daga verið í Heiðmörk og víðar á höfuðborgarsvæðinu. Vegna þurrka á öllu suðvesturhorni landsins hefur verið ákveðið að lýsa yfir óvissustigi almannavarna vegna hættu á gróðureldum. Slökkviliðsmenn hér á Vesturlandi hafa nú verið beðnir að skrá sig á bakvaktir um helgar. Óvissustig almannavarna verður samkvæmt heimildum Skessuhorns lýst formlega yfir eftir hádegi í dag.
