medium

large

thumbnail

1536x1536

2048x2048

small

custom-size

Fjölbreyttir og ennþá fjölskylduvænni Írskir dagar hefjast í næstu viku

Góð stemning við upphaf Brákarhátíðar og Hinsegin hátíðar Vesturlands – syrpa

Framlög til jöfnunar tónlistarnáms

Góður gangur í lagfæringum Dagverðarneskirkju

Tvöföldun vegar um Kjalarnes ekki boðin út á þessu ári

Mikið viðbragð þegar leki kom að fiskibáti

core/freeform

„Á Vestfjörðum eru tækifærin fleiri en íbúarnir,“ segir í tilkynningu frá vestfirskum aðilum í nýsköpun. „Svæðið er ríkt af náttúruauðlindum, náttúran er allt umlykjandi og hér má finna samheldni og einstaka hlýju sem ríkir á milli fólks. Tækifærin bíða hreinlega eftir því að við grípum þau og nýtum til uppbyggingar kröftugs samfélags og atvinnulífs á svæðinu.“ Það eru Skúrin, samfélags- og nýsköpunarmiðstöð á Flateyri, Djúpið, frumkvöðlaskjól í Bolungarvík og Verkefnastjóri á Flateyri sem standa að leiðtogaþjálfun fyrir frumkvöðla sumarið 2021. Verkefnið er unnið í samvinnu við Vinnumálastofnun, Lýðskólann á Flateyri, Future Food Institute/FAO og samfélags- og nýsköpunarmiðstöðvar á Vestfjörðum.

„Með verkefninu er markmiðið að skapa vettvang fyrir unga frumkvöðla til að koma saman og takast á við krefjandi áskoranir og rannsaka nýjar lausnir á staðbundnum sem og alþjóðlegum áskorunum. Lögð verður áherslu á víðtæka sýn í forystu og að byggja upp færni til sjálfshjálpar og samfélagsþróunar. Stuðlað verður að því að efla frumkvöðlastarf meðal ungs fólks á svæðinu með þjálfun og vinnu sem miðar enn fremur að því að koma á tengslum á milli þátttakenda og efla samstarf á milli byggðanna á Vestfjörðum. Að lokum er markmiðið að tengja ungt og upprennandi fólk við framsækin fyrirtæki af svæðinu og tryggja þannig tengingar sem halda til framtíðar.“

<strong>Fyrir hverja?</strong>

Markhópar LausnaVers eru ungir frumkvöðlar og verðandi leiðtogar sem búa á Vestfjörðum, hafa búið þar, hyggjast setjast þar að eða hafa þor og vilja til að taka þátt í uppbyggingu svæðisins. „Við leitum að þátttakendum sem hafa brennandi vilja og áhuga á því að leggja sitt af mörkum til samfélagsþróunar í heimabyggð og á svæðinu öllu. Valdir verða til þátttöku einstaklingar sem hafa sýnt frumkvæði og þor og eru tilbúin til að reyna á sig, takast á við áskoranir og leita að verðmætum lausnum til framtíðar uppbyggingar á svæðinu. LausnaVer hentar jafnt Íslendingum sem og öðrum og fer kennsla og verkefnavinna fram á ensku þegar það á við.

<strong>Námsbrautin</strong>

LausnaVer er skipulagt sem þriggja mánaða námsbraut og verður haldið í júní, júlí og ágúst á þessu ári. Þátttakendur hittast (á staðnum eða á fjarfundum) í vinnustofum, hafa aðgang að leiðbeinanda (mentor), vinna að einstaklings- og hópaverkefnum og taka þátt í annars konar viðburðum. Námsbrautin endar svo með stærri viðburði í samstarfi við Future Food Institute (https://futurefood.network/institute/). Viðfangsefnin eru miðuð að Sjálfbærnimarkmiðum Sameinuðu þjóðanna SDG og er námsefnið þróað í samstarfi við Future Food Institute (ÍT).  Gjald fyrir þátttöku í LausnaVeri er 50 þúsund krónur sem greiðist þegar þátttaka hefur verið staðfest.  Þátttakendur geta valið að greiða gjaldið sjálfir en til greina kemur einnig að leita til fyrirtækja eða stofnana á svæðinu um styrk til þátttöku auk þess sem flestir starfsmenntasjóðir verkalýðsfélaganna styrkja félagsmenn sína til slíks náms. Umsóknarfrestur er til 15. maí n.k. og sendist á: <a href="https://lausnaver.is/">https://lausnaver.is/</a>

LausnaVer mun þjálfa vestfirska leiðtoga framtíðarinnar