Landsmenn freista gæfunnar í lottói sem aldrei fyrr

Stjórn Íslenskrar getspár samþykkti nýverið að greiða út 200 milljónir króna til eigenda sinna vegna góðrar afkomu fyrirtækisins af sölu lottómiða. Eignaraðilar að Íslenskri getspá eru Íþrótta- og Ólympíusamband Íslands sem á 46,67% hlut, Öryrkjabandalag Íslands sem á 40% og Umgmennafélag Íslands sem á 13,33% hlut. Þetta er önnur stóra aukagreiðslan frá Íslenskri getspá sem greidd er út á innan við ári. Í fyrrahaust greiddi fyrirtækið eigendum sínum 300 milljónir króna.

Í frétt frá UMFÍ vegna þessa kemur fram að það sem féll félaginu í skaut á síðasta ári hafi verið greitt út til sambandsaðila UMFÍ. Þar af er 21 íþróttahérað og sex ungmennafélög með beina aðild. Alls eru um 450 félög innan UMFÍ, með rúmlega 270 þúsund félagsmenn. Á stjórnarfundi UMFÍ 16. apríl sl. var svo ákveðið að greiða féð sem UMFÍ fær til sambandsaðila UMFÍ. „Ljóst er að gríðarlega miklu máli skiptir fyrir íþróttalíf á Íslandi að kaupa lottó og styðja með því móti við íþrótta- og ungmennafélagshreyfinguna um allt land,“ segir í tilkynningu frá UMFÍ.

Líkar þetta

Fleiri fréttir

Bayeux og Borgarnes

Það var góð tilfinning að koma í Landnámssetur Íslands síðastliðinn fimmtudag og finna þar aftur fullt hús af menningarþyrstum leikhúsgestum.... Lesa meira