medium

large

thumbnail

1536x1536

2048x2048

small

custom-size

Leikskólabörn skoðuðu sjúkrabílinn

Héldu forvarnadag í Fjölbrautaskóla Vesturlands

Askja Vesturlandi opnar á laugardaginn

Nagladekkin undan?

Skorradalshreppur hástökkvari í íbúafjölgun

Mældist á 140 km hraða þar sem hámarkshraði er 90

core/freeform

Geitin Brynhildur á bænum Ytri-Fagradal á Skarðsströnd bar þremur kiðlingum í síðustu viku; tveimur höfrum og einni huðnu. Heilsast þeim öllum vel eins og sjá má á myndinni. Brynhildi tókst hjálparlaust að bera tveimur fyrri kiðunum en það síðasta og minnsta kom afturábak og þáði hún hjálp húsfreyju við að koma því frá sér. Hjónin Guðmundur Gíslason og Halla Sigríður Steinólfsdóttir búa í Ytri-Fagradal og rækta einkum fé en hafa þó nítján geitur sér til ánægju, þar af sextán huðnur sem bera í vor. Aðspurð segir Halla að það sé afar sjaldgæft að geitur beri þremur kiðum, oftast beri þær einu en stundum tveimur. Fósturtalið var á Ytri-Fagradal í síðustu viku, bæði í gemlingunum og svo í geitunum sem óbornar voru. Það var Heiða Guðný Ásgeirsdóttir bóndi, varaþingmaður og fósturteljari frá Ljótarstöðum í Skaftárhreppi sem framkvæmdi talninguna.

Þrjú kið hjá Brynhildi í Fagradal