Fjallað um Norðvesturkjördæmi á föstudagsfundi Viðreisnar

Viðreisn býður fram fyrir alþingiskosningarnar í haust. Vikulegur föstudagsþáttur flokksins í dag klukkan 12 er helgaður Norðvesturkjördæmi. Yfirskrift þáttarins er: Um hvað verður kosið í Norðvesturkjördæmi? Tækifæri til sóknar.

„Oddviti Viðreisnar í kjördæminu fyrir komandi þingkosningar, Guðmundur Gunnarsson, fær til sín góða gesti til þess að ræða það sem brennur á íbúum.
Gestir Guðmundar verða þau Þórdís Sif Sigurðardóttir bæjarstjóri Borgarbyggðar, Pétur G. Markan fyrrverandi bæjarstjóri Súðavíkurhrepps og fyrrverandi formaður Vestfjarðastofu og Halldór Halldórsson forstjóri Íslenska kalkþörungafélagsins,“ segir í tilkynningu.

Þátturinn verður sýndur í beinni útsendingu á Facebook-síðu Viðreisnar á milli klukkan 12:00 og 12:45 í dag, föstudaginn 16. apríl.

Sjá hér. 

 

Líkar þetta

Fleiri fréttir