medium

large

thumbnail

1536x1536

2048x2048

small

custom-size

Afhentu bæjarstjóra undirskriftalista

Menningarferð FaB um Lundarreykjadal

Valentin vann gull á Mjölni Open fimmta árið í röð

Fjölgað í húsvarðateymi sveitarfélagsins

Ólafsvíkurvöllur og Skallagrímsvöllur á lista topp tíu valla landsins

Tólf skiluðu inn framboðum til forseta

core/freeform

Einkahlutafélagið Suðureyjar ehf. var stofnað á síðasta ári. Það það markmið að auðvelda frumkvöðlastarf og tækifæri til fjarvinnu, óháð aðsetri vinnuveitanda og stuðla að því að fjölga íbúum Stykkishólms. Félagið hefur tekið á leigu gamla Búnaðarbankahúsið við Aðalgötu 10 í Stykkishólmi. Þar verður boðið upp á snyrtilega starfsaðstöðu, eins konar fyrirtækjahótel, með aðgangi að ljósleiðaratengingu og góðri funda- og kaffiaðstöðu. Í húsinu er gert ráð fyrir að starfsfólk úr ýmsum áttum njóti góðs af samskiptum við hvert annað. Stefnt er á að endurleigja til einstaklinga, fyrirtækja, stofnana og frumkvöðla allt rými í húsinu svo að úr verði skrifstofu- og frumkvöðlasetur fyrir allt að 30 starfsmenn. Gert er ráð fyrir að aðstaðan verði tilbúin til útleigu í maí í vor. Arionbanki seldi húsið í vetur og flytur bankinn starfsemi sína í Skipavíkurhúsið gegnt Bónus í Stykkishólmi seinni hluta apríl .

[caption id="attachment_43582" align="alignleft" width="162"]<img class="wp-image-43582" src="https://skessuhorn.is/wp-content/uploads/2021/03/Opna-i-vor-nytt-skrifstofu-og-frumkvodlasetur-i-Stykkisholmi_2-600x400.jpg" alt="" width="162" height="108" /> Halldór Árnason.[/caption]

Halldór Árnason er í forsvari fyrir Suðureyjar ehf. Hann segir í samtali við Skessuhorn að á næstu vikum og mánuðum sé ráðgert að kynna fyrir brottfluttum Hólmurum þá aðstöðu sem verður í boði í nýja frumkvöðlahúsinu og þeir hvattir til að flytja starfsvettvang sinn og heimili til Stykkishólms. Sjónum verður sérstaklega beint að fólki á aldrinum 25-40 ára. Einnig verður forsvarsmönnum stærri stofnana og tæknifyrirtækja á höfuðborgarsvæðinu kynntir kostir þess að starfsmenn staðsetji sig í Stykkishólmi og að fyrirtækið taki á leigu starfsaðstöðu þar. Halldór segir Stykkishólmsbæ leggja sitt af mörkum og hafi látið útbúa myndband fyrir vefmiðla og aðra samskiptamiðla, þar sem kynnt er sú fjölbreytta þjónusta sem er í boði í Stykkishólmi. Þar er meðal annars bent á að hitaveita er á sama verði og t.d. á Akranesi og höfuðborgarsvæðinu, Bónusverslun er í bænum, sjúkrahús og heilsugæslu, góðir skólar og meðal annars leikskóli sem tekur börn frá 12 mánaða aldri. Þetta verður allt kynnt í hvatningarbréfi sem sent verður til brottfluttra Hólmara innan tíðar.

<em>Sjá nánar umfjöllun í Skessuhorni vikunnar.</em>

&nbsp;

Opna í vor nýtt skrifstofu- og frumkvöðlasetur í Stykkishólmi