medium

large

thumbnail

1536x1536

2048x2048

small

custom-size

Afhentu bæjarstjóra undirskriftalista

Menningarferð FaB um Lundarreykjadal

Valentin vann gull á Mjölni Open fimmta árið í röð

Fjölgað í húsvarðateymi sveitarfélagsins

Ólafsvíkurvöllur og Skallagrímsvöllur á lista topp tíu valla landsins

Tólf skiluðu inn framboðum til forseta

core/freeform

Gæðaráð íslenskra háskóla hefur birt niðurstöður úttektar sinnar á lögreglunámi við Háskólann á Akureyri. Lögreglunámi var komið á fót við skólann haustið 2016 og er úttektin unnin samkvæmt samningi milli mennta- og menningarmálaráðuneytis og HA um námið. Í úttekt gæðaráðsins eru gerðar töluverðar athugasemdir við þætti sem nauðsynlegt þykir að bæta. Þar á meðal að bæta þurfi gegnsæi þeirra fjárveitinga sem veittar séu til námsins, skýra þurfi verkaskiptingu, gera samning við mennta- og starfsþróunarsetur lögreglunnar og koma á skýrari ferlum um samskipti ráðuneyta og stofnana sem að náminu koma. Þá skuli stuðla að bættu samræmi í náminu hvað varðar markmið þess, vinnuframlag og samspil bóklegra faga og faglegrar þjálfunar. Hvatt er til þess að skýrar sé kveðið á um hæfnikröfur lögreglumanna og að háskólinn móti sér stefnu um raunfærnimat. Varðandi úttekt um styrkleika námsins segir að aðlögun þess að háskólakerfinu og viðleitni innan þess til að nútímavæða starfsemi lögreglunnar auk fjarkennsluforms veiti fjölbreyttari nemendahópi aðgang að náminu og staða upplýsingatækni í náminu sé því sterk. Þá hefur nýstofnað ráð um lögreglunám nú tækifæri til að fylgja eftir og endurskoða námið og tryggja að það samræmist kröfum sem gerðar eru til þess.

Samkvæmt frétt á vef menntamálaráðuneytisins og dómsmálaráðuneytisins mun Háskólinn á Akureyri í framhaldi þessarar úttektar gæðaráðs skila umbótaáætlun til gæðaráðs íslenskra háskóla sem fylgt verður eftir af hálfu ráðsins, dómsmálaráðuneytis og mennta- og menningarmálaráðuneytis.

Gera þarf úrbætur á lögreglunámi í HA