medium

large

thumbnail

1536x1536

2048x2048

small

custom-size

Íbúðir á Sementsreit vel á veg komnar

Landaður afli einungis 60 þúsund tonn í mars

Halda Sambandsþing Norræna félagsins á Akranesi næstkomandi laugardag

Lánveitingar Byggðastofnunar halda áfram að skapa störf

ÍA og Tindastóll mætast í Mjólkurbikarnum

Þungatakmarkanir taka gildi á fimmtudaginn

core/freeform

Ný verk er yfirskrift sýningar myndlistarkonunnar Sigríðar Ásgeirsdóttur sem opnuð verður í Hallsteinssal, í Safnahúsi Borgarfjarðar í Borgarnesi, næstkomandi mánudag. Í tilkynningu frá Safnahúsi segir: „Flest þekkjum við Sigríði fyrir steindu glerverkin hennar en hér sýnir hún verk unnin með akrýl og vatnslit á pappír. Sigríður er Borgfirðingur að ætt og hefur náttúra Íslands, himinn og haf veitt henni innblástur alla tíð. Birta hefur ávallt verið mikilvæg í myndlist hennar og í verkunum sem hún sýnir í Hallsteinssal leitast hún við að vinna með birtuna á sama hátt og hún gerir í glerverkum sínum.  Sigríður vinnur ávallt drög að glerverkum sínum á pappír en í verkunum á sýningunni er líkt og hún yfirfæri áhrif og upplifun af steindu gleri yfir í áferð og birtu málverkanna.“

Þá segir að þótt Sigríður hafi mest unnið í steint gler, og lágmyndir á veggi, („svörtu verkin“), þá hefur hún einnig notað margvísleg önnur efni til listsköpunar. Hún hefur unnið málverk, vatnslitamyndir, teikningar með títuprjónum, blýteikningar (grafít), bókverk, bókakápur, myndskreytingar í bækur og skúlptúra.

Sigríður hefur starfað við glerlist í áratugi og verk eftir hana er að finna víða bæði hér heima og erlendis. Hún lagði stund á myndlistarnám í Myndlistaskólanum í Reykjavik á árunum 1976-1978. Hún lauk síðan BA Hon. prófi frá Edinburgh College of Art árið 1983 og Post Graduate Diploma frá sama skóla árið 1984. Hún hefur haldið á annan tug einkasýninga og tekið þátt í fjölda samsýninga hér heima og erlendis. Verk eftir hana eru víða í einkasöfnum í Evrópu, Japan, Nýja Sjálandi, Bandaríkjunum og Indlandi. Hún hefur unnið fjölda steindra glugga fyrir einkaaðila hér heima og erlendis. Verk eftir Sigríði á opinberum stöðum eru m.a. í Norræna húsinu, Þjóðarbókhlöðunni, Íslandsbanka, Sjúkrahúskapellunum á Ísafirði og í Vestmannaeyjum, Hafnarhúsinu við Reykjavíkurhöfn, Barnaskólanum á Húsavík og Langholtskirkju í Reykjavík.

Sýningin verður opin kl. 13:00 – 18:00 alla virka daga fram til 1. maí og eftir það kl. 13.00 – 17.00 alla daga til föstudagsins 7. maí. Vegna aðstæðna verður ekki um formlega opnun að ræða á sýningunni á mánudaginn, en stefnt er að því að auglýsa viðveru listamannsins síðar.

Sigríður sýnir Ný verk í Safnahúsi