Borgarbyggð auglýsir menningarstyrki

Menningarsjóður Borgarbyggðar auglýsir eftir umsóknum í sjóðinn. Tilgangur hans er að efla menningu í sveitarfélaginu og er sérstök rækt lögð á grasrót í menningarlífi; einstaklinga og félagasamtök. „Umsókninni þarf að fylgja sundurliðuð kostnaðaráætlun fyrir verkefnið ásamt greinargerð. Styrkþegar síðasta árs eru minntir á að skila inn skýrslu um framgang og lok verkefnis fyrir næstu styrkveitingu. Skýrsluskil eru skilyrði fyrir styrkveitingu til nýrra verkefna. Umsækjendur eru hvattir til að kynna sér reglur sjóðsins áður en umsókn er lögð inn,“ segir í tilkynningu. Sótt er um rafrænt í gegnum þjónustugátt á borgarbyggd.is og þarf að vera búið að skila inn umsókn fyrir 7. apríl nk.

Líkar þetta

Fleiri fréttir