Á meðfylgjandi mynd eru lögbýlin Skáney og Birkihlíð í Borgarbyggð.

Lögbýlaskrá hér aðgengileg á rafrænu formi

Lögbýlaskrá fyrir árið 2020 er komin út en hún er gefin út árlega fyrir allt landið á grundvelli upplýsinga úr þinglýsingarbók og fasteignaskrá. Útgáfan er á vegum atvinnuvega- og nýsköpunarráðuneytisins en samkvæmt jarðalögum er ráðuneytinu heimilt að fela öðrum aðila að annast gerð lögbýlaskrárinnar. Frá árinu 2010 hefur Þjóðskrá Íslands haft það hlutverk að gefa út lögbýlaskrána og er haldið utan um hana í réttindahluta fasteignaskrár. Samkvæmt jarðalögum teljast það lögbýli sem hafa fengið útgefið sérstakt leyfi frá ráðherra um lögbýlisrétt og skal því leyfi þinglýst. Við þinglýsinguna fær viðkomandi eign sérstaka merkingu í þinglýsingarhluta fasteignaskrár og birtist í næstu lögbýlaskrá sem gefin verður út.

Í lögbýlaskránni sem nú hefur verið gefin út er að finna upplýsingar um rúmlega 6700 lögbýli sem skráð eru á landinu í dag flokkað eftir sveitarfélögum. Þar má einnig sjá hvort jarðirnar eru í eyði eða ábúð, þinglýsta eigendur og ábúendur.

Hér má sjá Lögbýlaskrá fyrir 2020.

Líkar þetta

Fleiri fréttir